ს. ჯანაშიას სახ. საქართველოს მუზეუმი (თბილისი)



ს. ჯანაშიას სახ. საქართველოს მუზეუმი (თბილისი)

(S.Janashias saxelobis saq. muzeumi- tbilisi)


ს. ჯანაშიას სახელობის საქართველოს მუზეუმის დაარსების თარიღად 1852 წლის 10 მაისი ითვლება, როდესაც რუსეთის იმპერიის გეოგრაფიული საზოგადოების კავკასიის განყოფილება შეიქმნა. 1865 წელს გუსტავ რადეს ინიციატივით, ამ განყოფილების ბაზაზე კავკასიის მუზეუმი ჩამოყალიბდა.
1919 წელს კავკასიის მუზეუმს საქართველოს მუზეუმი ეწოდა. 1947 წლიდან მუზეუმი სიმონ ჯანაშიას სახელობის საქართველოს მუზეუმად იწოდება.
მუზეუმის ფონდებში დღეისათვის დაცულია 1 200 000 ექსპონატი (ძირითადად არქეოლოგიური და ეთნოგრაფიული მასალები, ქართული ოქრომჭედლობის, ხატწერის ნიმუშები და სხვა). სტაციონარულ ექსპოზიციებს შორის გამოირჩევა დმანისში აღმოჩენილი ადამიანის წინაპრების (ჰომინიდების) ნაშთების გამოფენა, რომელიც 1,8 მილიონი წლით თარიღდება და წარმოადგენს აფრიკის კონტინენტის ფარგლებს გარეთ აღმოჩენილ ადამიანის წინაპრის უძველეს ნიმუშს. ამ აღმოჩენამ რადიკალურად შეცვალა მანამდე აღიარებული ადამიანის ევოლუციის თეორია. მუზეუმში ექსპონირებულია აგრეთვე: ნეოლითისა და ბრინჯაოს ხანის პერიოდის არქეოლოგიური აღმოჩენების მრავალრიცხოვანი მასალა, განსაკუთრებით მნიშვნელოვანი და მრავალფეროვანია ოქროს ფონდი, სადაც წარმოდგენილია სხვადასხვა ისტორიული პერიოდის ძვირფასი ლითონისა და ქვების უნიკალური ნაკეთობები. მათ შორის განსაკუთრებული ადგილი უჭირავს ქრისტიანობამდელი პერიოდის ოქრომჭედლობის ნატიფ ნიმუშებს, რომლებიც თარიღდება ჩვენს წელთაღრიცხვამდე მესამე ათასწლეულის მეორე ნახევრიდან ჩვენი წელთაღრიცხვის მეოთხე საუკუნის ჩათვლით. მუზეუმში დაცული ექსპონატები აღმოჩენილია საქართველოს სხვადასხვა რეგიონში: ანანურში, წნორში, მარტყოფში, თრიალეთის ყორღანებში, ვანში, ახალგორში, მცხეთაში.



Loading...

ტექსტის სანახავად გაიარეთ რეგისტრაცია.