წინანდლის ალექსანდრე ჭავჭავაძის სახლ-მუზეუმი (კახეთი)

 (ხმები: 11)


წინანდლის ალექსანდრე ჭავჭავაძის სახლ-მუზეუმი

(winandlis Aleqsandre Chavchavadzis saxl-muzeumi)

წინანდლის ალექსანდრე ჭავჭავაძის სახლ-მუზეუმი. ქპოეტის მამა - გარსევან ჭავჭავაძე ცნობილი დიპლომატი და საზოგადო მოღვაწე იყო. გარსევან ჭავჭავაძე 1784-1801 წლებში იყო ქართლ-კახეთის სამეფოს საგანგებო და სრულუფლებიანი ელჩი რუსეთის საიმპერიო კარზე. საუკუნის 50-იან წლებში ჭავჭავაძეების სახლში თავს იყრიდა ქართული არისტოკრატია, ცნობილი ქართველი და უცხოელი მწერლები, საზოგადო მოღვაწეები. ჭავჭავაძეების ლიტერატურულ სალონს სხვადასხვა დროს სტუმრობდნენ: ალექსანდრე პუშკინი, ალექსანდრე დიუმა, მიხეილ ლერმონტოვი, საფრანგეთის კონსული შევალიე გამბა, იენის უნივერსიტეტის პროფესორი კარლ კოხი, ელიზე რეკლიუ და სხვანი.

მუზეუმი მოიცავს - საცხოვრებელ სახლს და დეკორატიულ ბაღს, რომელსაც ამჟამად 12 ჰექტარი ფართობი უჭირავს. მიუხედავად ტერიტორიის სიმცირისა, მასში მსოფლიოს სხვადასხვა კუთხის ფლორის უნიკალური სახეობებია წარმოდგენილია. პარკის ტერიტორიაზე არის მცირე ზომის საგვარეულო ეკლესია, რომელშიც ჯვარი დაიწერეს დიდმა რუსმა მწერალმა ალექსანდრე გრიბოედოვმა და ალექსანდრე ჭავჭავაძის ქალიშვილმა - ნინომ. სახლ-მუეუმში დაცულია ჭავჭავაძეების საგვარეულო ნივთები, რომელთა შორისაც არის ფერწერული ტილოების მდიდარი კოლექცია.

აქვეა საუკუნის ენოთეკაც (ღვინოების საცავი), რომელიც ჭავჭავაძეების ღვინის მარნის ბაზაზე შეიქმნა. ენოთეკაში იდეალური ბუნებრივი პირობებია სამარკო ღვინოების დაძველებისათვის. აქ ინახება როგორც ქართული, ასევე ევროპული ღვინოების უნიკალური კოლექცია. მისი შექმნა უკავშირდება ფრანგ მეღვინეს - მასანოს, რომელიც თავად ჭავჭავაძეს ყავდა მოწვეული. ენოთეკაში დაცულია 70 დასახელების ღვინო, კოლექციის ყველაზე ძველი ექსპონატია 1814 წლის პოლონური თაფლი, ქართული ღვინოებიდან ყველაზე ძველი ღვინოა 1841 წლის საფერავი. აქვეა ფრანგული ღვინოები: "ბორდო", "შატო", ესპანური "ხერესი", "რისლენდი". ენოთეკა 11 ოქროს მედლით არის დაჯილდოვებული სხვადასხვა დროს ჩატარებული საერთაშორისო გამოფენებზე.





ტექსტის სანახავად გაიარეთ რეგისტრაცია.