შოკოლადის ტარტი შავი ქლიავით - ჯადოსნური დესერტი

 (ხმები: 8)


ინგრედიენტები:

დარბილებული კარაქი 100 გ
ფქვილი 200 გ
შაქრის პუდრი 100 გ
კაკაო 1 ჩ.კ, თავიანი
კვერცხის გული 1
ვანილი
რომი 1 ს.კ
შავი ქლიავის ჩირი, უკურკო 250 გ
ამარეტო 3 ს.კ



განაშისთვის:

შოკოლადი 220 გ
ნაღები 35 % 220 მლ
ესპრესო 1პატარა ჭიქა
კარაქი 50 გ
ამარეტო 1 ს.კ


მოსართავად:

შოკოლადი 100 გ
კარაქი 50 გ


მომზადების წესი:

შავი ქლიავი 3-4 საათი ჩავალბოთ ამარეტოში.

შევურიოთ დარბილებული კარაქი, პუდრა, კაკაო, ვანილი. უნდა მივიღოთ რბილი ცომი. დავამატოთ კვერცხის გული, რომი და კარგად ავურიოთ. ბოლოს დავამატოთ ფქვილი. გავახვიოთ ცომი ცელოფანში და 1 საათი გავაციოთ. შემდეგ გამოვიღოთ, ვაცალოთ რომ ცოტა შეთბეს და გავაბრტყელოთ. ჩავაფინოთ 20-24 სმ-იან ტარტის ფორმაში და საბრტყელებლის გადატარებით ჩამოვჭრათ ზედმეტი ნაწილები -ეს მნიშვნელოვანია, ამგვარად ცომი "თავს დაიჭერს" და ცხობისას არ ჩამოვა ქვემოთ. ალდი
ცომი ჩანგლით დავჩხვლიტოთ, ჩავაფინოთ ქაღალდი და ზედ ბრინჯი, ლობიო ან სხვა სიმძიმე დავაყაროთ. ვაცხოთ 200 გრადუსზე 15 წუთი, შემდეგ ავაცალოთ სიმძიმე და კიდევ 15 წუთი ვაცხოთ. მზა ბისკვიტი ფორმიდან ამოვიღოთ და გავაციოთ.

დავალაგოთ მასზე შავი ქლიავი, რამდენიმე მოსართავად შემოვინახოთ.

მოვამზადოთ განაში: დამტვრეულ შოკოლადს და ყავას დავასხათ ძალიან ცხელი ნაღები. კარგად ავურიოთ, რომ შოკოლადი გადნეს. დავამატოთ კარაქიც. იქამდე ვურიოთ, სანამ ერთგვაროვანი არ გახდება. ჩავამატოთ ლიქიორი და მიღებული კრემი შავ ქლიავს დავასხათ. შევდგათ მაცივარში გასაციებლად.

ტარტის მოსართავად დარჩენილ ქლიავებს გულში ნიგოზი ჩავუდოთ. გავადნოთ 50 გ შოკოლადი და ამდენივე კარაქი, ამოვავლოთ ქლიავები და დავალაგოთ ქაღალდზე გასაშრობად. შევდოთ მაცივარში გასამაგრებლად. შემდეგ დარჩენილ შოკოლადთან ერტად მოვაყაროთ ნამცხვარს.


[b]გემრიელად მიირთვით!
[/b]


წყარო



Loading...

ტექსტის სანახავად გაიარეთ რეგისტრაცია.