ხორცის ბასტურმა (ქართული)



ხორცის ბასტურმა - ქართული

(xorcis basturma - qartuli)


საჭირო ინგრედიენტები:

1 კგ ღორის,
ცხვრის ან საქონლის ხორცი,
2 თავი ხახვი,
2 სუფრის კოვზი ღვინის ძმარი,
პილპილი და მარილი - გემოვნებით.

მომზადების წესი:

ხორცი გავასუფთავოთ, მოვაცილოთ ზედმეტი ცხიმი, დავჭრათ დაახლოებით ერთნაირი ზომის, 50-60 გრ წონის ნაჭრებად, ჩავალაგოთ ფაიფურის ან ემალის ჭურჭელში, მოვაყაროთ პილპილი, მარილი, დაჭრილი ხახვი, კარგად გადავურიოთ, დავახუროთ სახურავი და 1-2 საათით დავდგათ სიცივეში.
ბასტურმას შეიძლება მოვასხათ ცოტა ღვინის ძმარი. ასე მომზადებული ხორცი ცივ ადგილას შეიძლება შევინახოთ რამდენიმე დღეც.
ხორცის ნაჭრებს მოვაცილოთ ხახვი, ჩამოვაგოთ შამფურზე და შევწვათ უალო ნაკვერჩხლებიან მაყალზე, შამფურები მუდმივად ვატრიალოთ.
მზა მწვადი სუფრასთან მივიტანოთ შამფურზე, ან გადავიტანოთ სინზე, მოვაყაროთ ალყა-ალყა დაჭრილი ხახვი და ოხრახუში.

გემრიელად მიირთვით!



Loading...

ტექსტის სანახავად გაიარეთ რეგისტრაცია.