გარეთ წვიმს

 (ხმები: 0)


გარეთ წვიმს, ქარიც წამოუბერავს ხოლმე, ხეთა ტოტები ლამის ჩამოილეწონ. ცაზე თავქუდმოგლეჯილი მიმორბიან რუხფორეჯა ღრუბლები ... ოთახში ვზივარ ფიქრებაწეწილი და ამ ყოველივეს სარკმლიდან ვუცქერი... უცებ იელვებს, ცეცხლის რკალები იკლაკნებიან ცაზე, თვალებს ვხუჭავ, ყურებზე ხელებს ვიფარებ... შინ მარტო ვარ, მეშინია, ვხედავ წვიმა გადაღებას არ აპირებს, შავი ბინდი წვება ეზოში, ღამდება...უსიამოვნო ფიქრები გულს მისერავენ... კარებთან აწრიალდება ზარი სიხარულით ჩამოვფრინდები; დედა, სახეგაბადრული დედიკო, ერთიანად დასველებული მიღიმის... მე სველ სახეს ვუკოცნი, ვეფერები, ისიც გულში მიკრავს... მერე, მერე ღუმელში ცეცხლს ავაგიზგიზებთ, სითბო დგება ოთახში... მეზობლის კედლიდან გიტარის ნაღვლიანი ხმა იღვრება, გარეთ კი ისევ წვიმს.



Loading...

ტექსტის სანახავად გაიარეთ რეგისტრაცია.