დედაშვილობა

 (ხმები: 16)


...დედაშვილობას რომ დიდი ძალა აქვს ეს ახალი არავისთვისაა, ბავშვობიდანვე გვესმის ეს და გვჯერა ყოველგვარი დასაბუთების გარეშე, გულის სიღრმეში ვიცით რომ ეს ასეა, თუმცა ბოლომდე ვერ ვაცნობიერებთ სანამ საკუთარ თავზე არ გამოვცდით "დედაშვილობის" მაგიურ ძალას.

...ჯერ კიდევ ბავშვი ვიყავი როცა პირველად შემიყვარდა, ჩემი თავი დიდი მეგონა მაგრამ ეხლა ვიცი რომ ბავშვი ვიყავი, 16 წლის, ...ჩემი სიყვარული სულ სამიოდე წელი გაგრძელდა, მაგრამ ეს მთელ ცხოვრებას უდრიდა. (ყოველშემთხვევაში მე ასე მეგონა.) როგორც ხშირად ხდება, ჩვენი გამოუცდელობის გამო პირველი სიყვარული იშვიათად გვიმართლებს, მე ვიტყოდი ვერ ვაფასებთ რაც გვაქვს და არ ვუფრთხილდებით, მიზეზიც ესაა, ჩემი სიყვარულიც ასე დამთავრდა... თუმცა...

.... რა დამთავრებაზეა საუბარი როცა მთლიანად განადგურებული ვიყავი და სხვაზე არაფერზე და ვერაფერზე ვფიქრობდი, გარეგნულად არ ვიმჩნევდი, მაგრამ ვგრძნობდი როგორ ნელნელა ვკვდებოდი, მთელი გული და შიგნეული მტკიოდა და ტირილსაც კი ვერ ვახერხებდი, მალე ჩემი სულიერი განცდა ფიზიკურადაც შესამჩნევი გახდა. ჭამასაც ვეღარ ვახერხებდი და თანდათნ დავსუსტდი, დედამ პირველმა შეამჩნია ეს ყველაფერი და მაშინვე დაიწყო ექიმები და გამოკვლევები.

....მახსოვს როცა ექიმის კაბინეტში შევლასლასდი და სკამზე ჩამოვჯექი, (უბრალოდ დგომას ვეღარ ვახერხებდი). ექიმმა ანალიზებს გადახედა და ვერაფერი ვერ აღმოაჩინა, დაიბნა, აღარ იცოდა რა ეთქვა დედაჩემისთვის, ბოლოს ხელები გაშალა და ნახევრად ხუმრობით თქვა:

-- ეს ბავშვი ნამდვილად შეყვარებულია!

...მეტი აღარაფერი გამიგონია, ყველაფერი ნისლში გაცურდა და გათეთრდა, არც დავარდანა გამიგია როცა სკამიდან გადავარდი გულწასული, როცა გონს მოსვლა დავიწყე , რაღაც გაურკვეველი ხმები ჩამესმოდა და ვერ ვარჩევდი რას ამბობდნე, ...ამ არეულ ხმებში მარტო ერთი ფრაზა მისწვდა ჩემს სმენას, ნაცნობი ხმა, თითქოს ჩურჩულით ნათქვამი, მაგრამ სრულიად გარკვევით:

--"მოგიკვდეს დედა... თურმე რისგან მიკვდებოდი".

... ამ ხმამ ერთბაშად გამომაფხიზლა, დედის გულსაკლავმა ხმამ ჩემს სულამდე მიაღწია და სისუსტესაც კი ვეღარ ვგრძნობდი, მანამდე თუ სიკვდილიც კი არაფრად მიღირდა "მის" გარეშე, ეხლა უკვე ზუსტად ვიცოდი რომ სიცოცხლე დ ე დ ი ს გამო მინდოდა, სწორედ ამ ხმამ მომცა ძალა დამეძლია ის გრძნობა და გავმკლავებოდი, მივხვდი... რომ ყველა გრძნობაზე ძლიერი გადამწყვეტ მომენტში დედაშვილობის გრძნობაა, როგორ ძლიერადაც არ უნდა გვიყვარდეს ვინმე.

ნ. ს.



Loading...

ტექსტის სანახავად გაიარეთ რეგისტრაცია.