სავსე ქილა – სიბრძნე მინიატურებში

savse qila igavi sibrdzne miniaturebshi sibrdznis simponia იგავი სიბრძნე საინტერესო საკითხავი gia murgulia
ფილოსოფიის ლექტორმა მთელი აუდიტორიის წინაშე აიღო ხუთლიტრიანი ქილა, დაახლოებით სამსანტიმეტრიანი დიამეტრის ქვებით გაავსო და სტუდენტებს ჰკითხა:
- ეს ქილა სავსეა?
უპასუხეს, სავსეაო.
ამის შემდეგ მან გახსნა ცერცვის ქილა, ჩააპირქვავა დიდ ქილაში და შეანჯღრია. ცერცვმა ქვებს შორის დარჩენილი სიცარიელე ამოავსო. პროფესორმა კიდევ ერთხელ ჰკითხა სტუდენტებს, ქილა სავსეა თუ არაო? კვლავ უპასუხეს, - სავსეაო. მაშინ პროფესორმა აიღო ქვიშით სავსე კოლოფი და ქილაში ჩაყარა. ბუნებრივია, ქვიშამ დარჩენილი ადგილი შეავსო. პროფესორმა ახლაც იგივე კითხვა დასვა:
- სავსეა ქილა?
- ახლა კი ნამდვილად სავსეა, - უპასუხეს სტუდენტებმა.
ბოლოს ლექტორმა მაგიდის ქვემოდან წყლით სავსე ტოლჩა აიღო და ქილაში მთლიანად ჩაცალა. სტუდენტებს გაეცინათ. პროფესორმა მსმენელებს მიმართა:
- ახლა კი მინდა გაიგოთ, რომ ეს ქილა თქვენი ცხოვრებაა - ქვები ის არის, რაც უმნიშვნელოვანესია თქვენს ცხოვრებაში: ოჯახი, ჯანმრთელობა, შვილები, ანუ ყველაფერი, რაც აუცილებელია იმისათვის, რომ რაც უნდა მოხდეს, თქვენი ცხოვრება სავსე იყოს - მაშინაც კი, თუ სხვას ყველაფერს დაკარგავთ. ცერცვი ის საგნებია, რომლებიც პირადად თქვენთვის იქცა მნიშვნელოვნად: საქმე, სახლი, მანქანა. ქვიშა კი ცხოვრებისეული წვრილმანია.
თუ ქილაში თავდაპირველად ქვიშა ჩაიყრება, ცერცვისა და ქვებისთვის ადგილი აღარ დარჩება. ასევე მოხდება თქვენს ცხოვრებაშიც - თუ მთელ დროსა და ენერგიას წვრილმანებზე დახარჯავთ, მნიშვნელოვანი რამ გვერდზე დაგრჩებათ. დაიხარჯეთ ისეთი რაღაცებისთვის, რასაც თქვენთვის ბედნიერება მოაქვს - ეთამაშეთ შვილებს, დაუთმეთ დრო მეუღლეს, შეხვდით მეგობრებს! იმის დრო ყოველთვის გექნებათ, რომ იმუშაოთ, სახლი დაალაგოთ, შეაკეთოთ და გარეცხოთ მანქანა. განსაკუთრებული ყურადღება ქვებს მიაქციეთ - თქვენი ცხოვრების მთავარ საკითხებს. განსაზღვრეთ, რა არის ყველაზე არსებითი, პრიორიტეტული. სხვა დანარჩენი ქვიშაა.
ამ დროს სტუდენტმა გოგონამ ხელი აწია და პროფესორს ჰკითხა:
- წყალს რაღა მნიშვნელობა ენიჭება?
პროფესორს გაეღიმა.
- მიხარია, რომ ამის შესახებ მკითხეთ! ქილასი წყალი იმიტომ ჩავასხი, რომ თქვენთვის დამემტკიცებინა - როგორი დაკავებულიც უნდა გქონდეთ ცხოვრება, ყოველთვის მოიძებნება ადგილი უსაქმურობისათვის.

გია მურღულია


ტანჯვა – სიბრძნე მინიატურებში

codnis mdzebneli igavi sibrdzne miniaturebshi sibrdznis simponia იგავი სიბრძნე საინტერესო საკითხავი

ერთი კაცი გარდაცვალების შემდეგ უფლის სამსჯავროზე წარდგა. დიდხანს უცქერდა შემოქმედი და დუმდა. კაცმა ვეღარ მოითმინა და ჰკითხა:
- ღმერთო, როგორია ჩემი ხვედრი? მდუმარედ რატომ მიყურებ? ნუთუ ცათა სასუფეველი არ დავიმსახურე? მე ხომ ვიტანჯე! - ღირსეულად განაცხადა განსასჯელმა.
- როდიდან ითვლება ტანჯვა დამსახურებად? - გაუკვირდა უფალს.
- მე ვატარებდი ძველ, დაფლეთილ სამოსს, ვჭამდი ქატოსა და ბარდას, წყლის გარდა არაფერს ვსვამდი, თავს უფლებას არ ვაძლევდი, ქალებზე მეფიქრა, დავაუძლურე სხეული მარხვითა და ლოცვით, - ჯიუტად განაგრძობდა თავდაჯერებული კაცი.
- კარგი, მესმის, რომ იტანჯებოდი, - თქვა ღმერთმა, - მაგრამ რისთვის იტანჯავდი თავს?
- შენს სადიდებლად, - დაუფიქრებლად უპასუხა კაცმა.
- კარგი დიდება კი მქონია, - ნაღვლიანი ღიმილი გაუკრთა უფალს, - ესე იგი, რა გამოდის? - მე ხალხს შიმშილით ვხოცავ, ვაიძულებ ათასი საშინელება ჩაიცვან და არასოდეს გაიგონ ჭეშმარიტი სიყვარულის ძალა?!
სიჩუმე ჩამოწვა.უფალი კვლავინდებურად უსიტყვოდ აკვირდებოდა კაცს.
- და მაინც, როგორია ჩემი ხვედრი? - კვლავ შეახსენა განაჩენის მომლოდინემ.
- ამბობ, ვიტანჯებოდიო, - ჩუმად წარმოთქვა უზენაესმა, - როგორ აგიხსნა, რომ გაგაგებინო... აი, მაგალითად, ხურო, რომელიც შენს წინ იყო აქ... ის მთელი ცხოვრებდა აშენებდა სახლებს ხალხისთვის - დარსა თუ ავდარში, სიცხესა თუ სიცივეში.შიმშილობდა, საშინლად იღლებოდა, ხშირად იჩეჩქავდა ჩაქუჩით თითებს და ამგვარად იტანჯებოდა, მაგრამ მაინც აშენებდა. შემდეგ კი პატიოსნად გამომუშავებულ გასამრჯელოს იღებდა. შენ კი... შენ მთელი ცხოვრება საკუთარი თავის ტანჯვას მოანდომე. სხვა არაფერი გაგიკეთებია - გამოდის, ამაოდ იცემდი თითებზე ჩაქუჩს.
წამიერად გაირინდა უფალი. მერე კი კაცს უთხრა:
- სახლი სად არის, - მე გეკითხები, - სად არის შენ მიერ აგებული ს ა ხ ლ ი ?!


ცოდნის მძებნელი – სიბრძნე მინიატურებში

codnis mdzebneli igavi sibrdzne miniaturebshi sibrdznis simponia იგავი სიბრძნე საინტერესო საკითხავი
ერთმა ცოდნის მძებნელმა ბრძენ განდეგილს სთხოვა, მისი მოძღვარი ყოფილიყო. განდეგილმა უარი უთხრა.
- კი მაგრამ, რატომ?! - გაიკვირვა მთხოვნელმა.
- მითხარი,- ჰკითხა განდეგილმა, - ზღვაში შტორმი რომ ამოვარდეს და შენ გემბანზე იყო, რას იზამ - გემის კაპიტანს დაუწყებ ძებნას თუ ანძას ჩაეჭიდები?
- ტალღამ რომ არ წამიღოს, ანძას ჩავეჭიდები.
- კაპიტანს რატომ არ მოძებნი, მან ხომ ყველაზე უკეთ იცის, ამ დროს როგორ უნდა მოიქცე?
- შტორმისას კაპიტანი ვერ მიშველის.
- მაშინ შენს ცხოვრებაში რატომ ეძებ "კაპიტანს"?
- თქვენც ხომ ეძებთ და ძიების თქვენეული გამოცდილება ჩემსაზე გაცილებით მეტია...
- მე? მე ტალღამ უკვე წამიღო!



იარეთ ცხოვრების გზაზე გახსნილი გულით

ერთხელ ერთმა მოძღვარმა კითხვა დაუსვა თავის მოწაფეებს:
- რატომ იმსხვრევა ფანჯრის მინა, როცა ქვას ესვრიან?
- იმიტომ, რომ ქვა მძიმეა, - უპასუხა ერთმა.
- იმიტომ, რომ მინა მსხვრევადია, - მიუგო მეორემ.

iareT cxovrebis gzaze gaxsnili gulit


ადისონი

adisoni brdznuli azrebi gamonatqvamebi frazebi filosofia

დუმილი ზოგჯერ ბევრად უფრო მნიშვნელოვანი და ამაღლებულია, ვიდრე ყოვლად კეთილშობილური და მეტყველი ენამჭევრობა, და ბევრ შემთხვევაში მაღალ გონებაზე მეტყველებს.


სტეფან ცვაიგი

shtafan cvaigi stafan cvaigi brdznuli azrebi gamonatqvamebi frazebi filosofia

კაცობრიობას მხოლოდ ის ამდიდრებს დიდი ხნით, ვინც მას თავისი თავის შეცნობაში ეხმარება და მის შემოქმედებით შეგნებას აღრმავებს.


თომას მანი

tomas mani brdznuli azrebi gamonatqvamebi frazebi filosofia

დრო – ფასდაუდებელი ძღვენია, რაც გვეძღვნება იმისთვის, რომ მასში გავხდეთ უფრო ჭკვიანი, უკეთესი და სრულყოფილი.


ბეთჰოვენი

bethoveni brdznuli azrebi gamonatqvamebi frazebi filosofia

ჩაუნერგეთ ბავშვებს სათნოება. მხოლოდ ის მოუტანს მათ ბედნიერებას.


წმინდა ავგუსტინე

wm inda avgustine brdznuli azrebi gamonatqvamebi frazebi filosofia

ჭშმარიტება შეიძლება დროებით დაიჩაგროს, მაგრამ მისი საბოლოოდ დამარცხება შეუძლებელია.


წმინდა ავგუსტინე

wminda avgustine brdznuli azrebi gamonatqvamebi frazebi filosofia

სიყვარულია რაღაც უზენაესი ძალა, რომელიც ყველა საგანს აიძულებს მიისწრაფვოდეს თავის ბუნებრივ, კანონიერ ადგილს. სიყვარული – ესაა მისწრაფება სრულყოფილებისკენ, სიმშვიდისკენ. ის არაა გარეგნული ძალა. ის არის ყველაზე უფრო ღრმა, იდუმალი შინაგანი ძალა ადამიანისა.. სათნოება უფლის სიყვარულია, უზენაესი ფორმა სიყვარულისა.


მიშელ მონტენი

mishel monteni brdznuli azrebi gamonatqvamebi frazebi filosofia

საოცრად მოუსვენარი, ჭეშმარიტად მერყევი და მარად ცვალებადი არსებაა ადამიანი. იოლი არაა მასზე მტკიცე და ერთგვაროვანი წარმოდგენის შექმნა.


ავრელიუსი მარკუს

markus avrelius brdznuli azrebi gamonatqvamebi frazebi filosofia

ნუ გააკეთებ ისეთ რამეს, რასაც შენი სინდისი დაგმობს; ნუ იტყვი ისეთ რამეს, რაც სიმართლეს არ შეეფერება. დაიცავი ეს ორი მთავარი რამ, და შენ სრულყოფ შენს ცხოვრებას.