როგორ შევინარჩუნოთ ურთიერთობა საყვარელ ადამიანთან ზოდიაქოს ნიშნის მიხედვით

 (ხმები: 4)


ურთიერთობები ყველაზე რთული და, ამავდროულად, ყველაზე საინტერესოა. თითოეული ადამიანი თავისებურად უდგება ამა თუ იმ საკითხს და საკმაოდ ძნელია, გარშემომყოფებს ყოველთვის ისე მოვექცეთ, როგორც ეს მათ სურთ. კიდევ უფრო რთულია, საყვარელ ადამიანთან ურთიერთობა ყოველგვარი გართულების გარეშე შევინარჩუნოთ. გამომდინარე იქიდან, რომ ვარსკვლავების განლაგება დიდ გავლენას ახდენს ყველას ხასიათზე, OK! გირჩევთ, რა უნდა გაითვალისწინოთ ზოდიაქოს თითოეულ ნიშანთან ურთიერთობისას.

ვერძი
დაიმახსოვრეთ, რომ ვერძი ყოველთვის თქვენი პირველი პრიორიტეტი უნდა იყოს და მას ყურადღება არასოდეს უნდა მოაკლოთ. თუ იფიქრებს, რომ აღარ გაინტერესებთ, თავად დაგშორდებათ. არ გაბედოთ და ზოდიაქოს ამ ნიშნის წარმომადგენელი არავის შეადაროთ! ის ერთადერთი და განუმეორებელია.

კურო

კუროს არასოდეს მოატყუოთ. გულწრფელობა, სიმართლე და გულახდილობა პირველია, რასაც ეს ნიშანი აფასებს. შეგიძლიათ, უმნიშვნელო დეტალები საიდუმლოდ დატოვოთ, მაგრამ არავითარ შემთხვევაში არ დაუმალოთ ის, რაც მნიშვნელოვანია.

ტყუპები

ტყუპები ყოველთვის იმას ამბობენ, რასაც ფიქრობენ და თქვენგანაც იმავეს მოელიან. თუ რამეს ვერ გაიგებენ, აუხსენით - მათ ყველაფრის გაგება შეუძლიათ. არავითარ შემთხვევაში არ იყოთ მესაკუთრე და ეცადეთ, კომპრომისზე წასვლა ისწავლოთ. ერთადერთი, რაც არასოდეს უნდა შეზღუდოთ, მისი პირადი სივრცე და თავისუფლებაა.

კირჩხიბი

თუ გულს ატკენთ, არასოდეს დაივიწყებენ. ისინი ძალიან ემოციურები არიან და ყველაფერი გულთან ახლოს მიაქვთ. არ გამოგრჩეთ მნიშვნელოვანი თარიღები და კირჩხიბი არასოდეს დააიგნოროთ!

ლომი

ლომს სჭირდება პარტნიორი, რომელიც ყოველთვის შეახსენებს, რომ დიდებულად გამოიყურება. არ გაბედოთ და სახალხოდ შენიშვნა არ მისცეთ ან არ დასცინოთ! დომინანტობა და ყურადღების ცენტრში ყოფნა მისთვისაა მოგონილი, ამიტომ არასოდეს დატოვოთ უყურადღებოდ - ეს მას მხოლოდ გააღიზიანებს.

ქალწული

ვერასოდეს მოიგებთ მის გულს, თუ უწესრიგო, უსუფთაო და უპასუხისმგებლო იქნებით. ბევრ რამეს ნეგატიურად უყურებენ და თუ ადამიანი აითვალწუნეს, მიწასთან გაასწორებენ. ამიტომ, მაქსიმალურად მოერიდეთ, როდესაც თქვენზე ან სხვაზე გაბრაზებულები არიან.

სასწორი

არავის ესმის ადამიანური ურთიერთობები ისე ღრმად, როგორც სასწორს. მასთან ყოფნისას, ჰარმონია, ბალანსი და სამართლიანობა უნდა შეინარჩუნოთ. სწორედ ემოციური ბალანსი, ჰარმონიული გრძნობები და სამართლიანი დამოკიდებულებებია ის, რასაც ზოდიაქოს ამ ნიშნის წამომადგენლები ეძებენ.

მორიელი

არასოდეს უღალატოთ მორიელს იმიტომ, რომ მის ნდობას ვეღარასოდეს დაიბრუნებთ. ღალატში მაინცდამაინც სხვასთან ურთიერთობა არ იგულისხმება. საუბარია ყველა წვრილმანსა და მსხვილმანზე, რაც თქვენს ურთიერთობას უკავშირდება. იყავით პირდაპირი, გულახდილი და აგრძნობინეთ, რომ მისი აზრი გაღელვებთ.

მშვილდოსანი

მშვილდოსანი ყველაზე დიდ საფრთხედ მესაკუთრე და ეჭვიან ადამიანებს აღიქვამს. არასოდეს შეუზღუდოთ თავისუფლება და ყოველთვის ჯეროვანი ყურადღება მიაქციეთ იმას, რაც მისთვის მნიშვნელოვანია. თუ დაძაბავთ და დასტრესავთ, ის აუცილებლად მიგატოვებთ.

თხის რქა

მიუხედავად იმისა, რომ თხის რქა გრძნობებს ნაკლებად ამჟღავნებს, მათი გულის ტკენა ძალიან მარტივია. უხეშად არ შეეხოთ მის პირად ცხოვრებას და ზედმეტად არ ჩაერიოთ მის სოციალურ ცხოვრებასა და ხალხთან ურთიერთობაში. მას დრო სჭირდება იმისათვის, რომ კონკრეტული გადაწყვეტილებები მიიღოს. ამიტომ, არ დააჩქაროთ და მაქსიმალურად მომთმენი იყავით.

მერწყული

მერწყულებს ყველა და ყველაფერი უყვართ - ბუნება, ცხოველები, ფრინველები, ადამიანები. ამიტომ, მასთან არასოდეს გამოავლინოთ „ფეხებზე მკიდია“ დამოკიდებულება - ეს ერადერთია, რასაც ვერასოდეს შეეგუებიან.

თევზები

თევზები ძალიან გულკეთილები არიან, თუმცა არ უყვართ, როდესაც ამას სხვები აღნიშნავენ. მათთან ურთიერთობის შესანარჩუნებლად და გასამყარებლად, გაიზიარეთ მათი რწმენები, მოლოდინები და ინტერესები. ასე საუკეთესო პარტნიორებად იქცევით.

okmagazine.ge




ტექსტის სანახავად გაიარეთ რეგისტრაცია.