წამო, მთაში წამიყვანე - ნინო ახალაშვილი

 (ხმები: 1)


წამო, მთაში წამიყვანე!
მომიხატე გზები.
ფშავ მანახე! ხევსურეთის
დანისლული მთები...

მთას მანახე ჭაუხები,
გამიშალე თმები!
წამო, მართლა გეუბნები.
მის გარეშე ვკვდები!

ალბათ, როგორ გველოდება,
მთის ნიავი, გრილი.
წინ ზამთარი გვეღობება
და სიცივე, ხშირი...

წამო, სუნთქვა შევიკავოთ,
ვიდრე მთაში ავალთ.
და იქ, ხარბად შევისუნთქოთ
ჩვენი ქვეყნის ჰავა...

წამო, მთაში წამიყვანე!
ბარში ცუდად ვხდები.
გული მთებით გამიხარე,
იქ, ზამთარშიც ვთბები...

მთას ფიქრები გავუყაროთ,
ნისლს დავუფრთხოთ ძილი..
როგორ! როგორ მენატრება!
ჩემი მთები, ტკბილი...

წამო, თორემ თებერვალმა,
იქ დაღვარა წყლები...
გაზაფხულზე იბადება,
სულ ახალი მთები!

წამო, მთაში წამიყვანე!
მომიხატე გზები.
ფშავ მანახე! ხევსურეთის
დანისლული მთები.

(რატომ მიყვარს ასე ძლიერ,
ჩემი ქვეყნის მთები?!
- იმიტომ რომ, ალბათ, მთებში
სხვანაირი ვხდები... )

/ ნინო ახალაშვილი /



Loading...

ტექსტის სანახავად გაიარეთ რეგისტრაცია.