პატარა ყვავილო - ნინო ახალაშვილი

 (ხმები: 0)


ოღონდ დამანახა პატარა ყვავილი,
ტყეში ამოსული, ებრძოდეს სიცივეს...
ყვავილი, მოსული ლამაზი ქალივით,
მაინც რომ ლამაზობს, არ იმჩნევს ტკივილებს...

აქ რომ დამენახე, პატარა ყვავილო,
გულში ჩაგიკრავდი, ჩემნაირს გეტყოდი...
ჩემფერად ცხოვრებით, სიცოცხლით დაღლილო!
ზამთარს და სიცივეს, ჩევენ ერთად ვებრძოდით...

სულში იმედივით მინდა ჩაგისახლო,
მალე გაზაფხული ისევ აყვავდება,
ახლა, მხოლოდ ერთხელ, მინდა
დაგინახო,
შენი ნახვით ყველა დარდი გაქარწყლდება...

მალე გაზაფხული, ისევ, ჩვენთან მოვა
და ნახავ ამოსულს შენფერებს, შენ იმდენს...
მალე, მალე წავა სიცივე და თოვა,
ოღონდაც, ძვირფასო, ახლა არ შეშინდე!

04.01.16
/ ნინო ახალაშვილი /



Loading...

ტექსტის სანახავად გაიარეთ რეგისტრაცია.