თოვლი - რომან აფაქიძე

 (ხმები: 6)


ეს თეთრი თოვლი დღეს მოვა ალბათ,
გადათეთრდება ირგვლივ ყოველი,
გავყურებ არეს - ჯერ უსრულ ნახატს
და დიდი მხატვრის მოსვლას მოველი.

ის მოვა თეთრი საღებავებით
და სითეთრეში დაძირავს სივრცეს
მე ახლა მინდა რომ გაზაფხულის,
ამ - უკანასკნელ ფიფქებად ვიქცეთ.

დღეს ვიცი მოვა თოვლის სითეთრე
მას ველოდები ასე დაღლილი
და ბოლო თოვლზე დაიხატება
ნაფეხურები ბედნიერ წყვილის...

ეს თეთრი თოვლი... დღეს მოვა ალბათ,
გადათეთრდება ირგვლივ ყოველი...
გავყურებ არეს, ჯერ უსრულ ნახატს
და დიდი მხატვრის მოსვლას მოველი...

/რომან აფაქიძე/



Loading...

ტექსტის სანახავად გაიარეთ რეგისტრაცია.