ნინო ახალაშვილი - უშენოდ

 (ხმები: 0)


უშენოდ, მკერდი მეკვეთება,
ისე ვემსგავსები ამორძალებს...
ისევ სიყვარული მეჩემება
დედამიწას რომ ამოძრავებს...
ჩემში მეომარი არ გამქრალა,
მაგრამ იმედი კი იწურება...
ვიცი, ნაპერწკალი არ ჩამქრალა,
ჩუმად, ნაცრიდან რომ იყურება...
სული შეუბერე ნაკვერჩხალებს,
იქნებ გააღვივო სიხარული...
დედამიწას რაც ამოძრავებს,
ესაა ჩვენი სიყვარული...
ვფიცავ! წამოვდგები, უსათუოდ,
ვიდრე ბალახივით მომთიბავენ...
ბნელში დამტოვებენ, უნათუროდ,
იმედს საბოლოოდ მომიკლავენ...
მაგრამ, ჩემო თავო, სხვას რას ერჩი?!
შენ თუ ვერ პოულობ შენში ძალებს...
უნდა დაარწმუნო თავი ერთში,
რომ სუსტს გვიწოდებენ ტყუილად ქალებს!...
იქნებ ჩამუხლული, დღეს, მე მერქვას,
მიწას ვერეოდე ტალახივით,
მაგრამ წამოვდგები, ზეზე მე ხვალ,
ტალღებს გავიჭრები კალმხივით!...
...........................................
უშენოდ, მკერდი მეკვეთება,
ისე ვემსგავსები ამორძალებს...
რა ვქნა?! სიყვარული მეჩემება,
დედამიწას რომ ამოძრავებს...

/ნინო ახალაშვილი/




ტექსტის სანახავად გაიარეთ რეგისტრაცია.