ბაქარი ხუტაშვილი - საქართველო

 (ხმები: 0)


აქ რა ხდება ზეციერო?!
ან რა ცეცხლი ტრიალებს?!
დაგვიფლითეს საქართველო,
სულ მთლად გაატიალეს!
ვინღა ჩივის ნიკოფსიას,
ანდაც კიდევ დარუბანდს,
ნაგლეჯ ნაგლეჯ მიათრევენ
მიწას ჩვენთან ნაქურდალს.
ვეღარ გიზრდით მამაღმერთო,
ვაჟას, შოთას, თამარებს.
მიწა არ გვაქვს დასამარხად,
სად დავიდებთ სამარეს.
მანდ რა ვუთხრათ ჩვენს წინაპრებს,
თვალში როგორ ჩავხედოთ.
ან დაფლეთილ საქართველოს
ციდან როგორ დავხედოთ.
არა, ღმერთო, სიზმარია
ან უბრალოდ შფოთია!
თუმცა რაღა სიზმარია,
ჩვენს სამუსრად მოდიან!
საქართველოს გვითელავენ
ღმერთო ასად დაგლეჯილს.
მერე ვინც კი უკან მიდის,
მიაქვს თითო ნაგლეჯი.
ვიცი გესმის ყოვლისშემძლევ,
პატრიარქის გოდება.
დაგვიფარე, აგვარიდე
ცუდი თუ გველოდება.
დედავ ღვთისავ, მოგვიტევე,
ვერ ვაფასებთ საჩუქარს.
ვერ ვპატრონობთ ედემის ბაღს,
ღვთის მშობლისგან ნაჩუქარს.
დავაშავეთ ვიცი ღმერთო,
ქვესკნელამდე დავეცით.
ერთი მუჭა სამოთხიდან,
დაგვრჩა ერთი ნამცეცი...

/ბაქარი ხუტაშვილი/



Loading...

ტექსტის სანახავად გაიარეთ რეგისტრაცია.