ერთი წამითაც კი არ დავთმობ იმას ვინც მიყვარს...

 (ხმები: 6)


იმედისმომცემს მე არაფერს დაგპირებივარ
და არც ის მითქვამს, უცილებლად, რომ შეგხვდებოდი,
ბევრჯერ გითხარი, რომ სხვა მიყვარს, არ დამიჯერე,
მე გაფრთხილებდი, რომ ვერასდროს შემეხებოდი.
სწორედ ამიტომ, არ მივიღებ მე შენს საყვედურს,
უთქმელ ფიქრებსაც, დამიჯერე, კარგად ვხვდებოდი,
რატომ იფიქრე, რომ უამრავ მამაკაცს შორის,
ამოგარჩვდი და მხოლოდ შენ რომ გენდობოდი.
ბევრჯერ გითხარი, რომ არასდროს შემიყვარებდი,
მაგრამ შენ მაინც, ჩემს სიყვარულს ელოდებოდი,
ეკლიან ბილიკს მივყვებოდი მთელი ცხოვრება
და ჩემს სიყვარულს, ოცნებებით, ვეგებებოდი,
ერთი წამითაც კი არ დავთმობ იმას ვინც მიყვარს,
მას, ვის ღიმილსაც, ვერასოდეს ვერ ველეოდი,
ნუ დამაბრალებ, იმას, რაც არ ჩამიდენია,
რასაც, ჯიუტად, არ გინდოდა და არ ხვდებოდი...

/ქეთი ალასანია/

22.06.15.



Loading...

ტექსტის სანახავად გაიარეთ რეგისტრაცია.