ხვალ - ნინო ალადაშვილი

 (ხმები: 2)


მე არ მწამს ხვალის და მძულს ეს სიტყვა,
იქნებ დადგეს ხვალ, ან იქნებ არა,
ის სიხარული დღეს მინდა მქონდეს,
რაც ვიცი, რომ არ მექნება მარად.

დღეს მენატრები! დღეს მინდა შენთან!
სულ ცოტა მინდა, ბევრი კი არა,
ხვალ ვიცი, წვიმა წალეკავს სადგომს
და მეც დამტოვებს ბედის ამარა.

ხვალ შეიძლება ნისლი ჩამოწვეს,
ვერ დავინახო ზეცა კრიალა,
ხვალ შეიძლება ცხოვრებაც მორჩეს
და გაქრეს ყველა ღია იარა.

ხვალ შეიძლება მოვარდეს ქარი,
თმა გამიწეწოს, მაქციოს ქალად,
ხვალ შეიძლება მეც სხვისი გავხდე
სხეულით მხოლოდ..გულით კი არა!

/ნინო ალადაშვილი/

2009 წელი




ტექსტის სანახავად გაიარეთ რეგისტრაცია.