ნანუკა ჭკუასელი - დარჩი ჩემს მეგობრად...

 (ხმები: 2)


დარჩი ჩემს მეგობრად...
დამიმტკიცე სიყვარული მეგობრობით... დამიმტკიცე რომ გიყვარვარ.
ნუ მიმატოვებ გასაჭირში, მაშინ როცა ყველაზე მეტად მომინდება შენს მხარზე ტირილი სუნთქვის შეწყვეტამდე.
დარჩი ჩემს მეგობრად სიცოცხლის ბოლომდე, რომ ერთად ვიაროთ ერთ გზაზე და ერთად მივიდეთ უფალთან.
მომეცი უფლება პირველს შენ გაგიზიარო ჩემი განცდები, სიხარული თუ ბედნიერება, გაჭირვება თუ უიმედობა.
მომეცი უფლება მიყვარდე ისეთი, როგორიც ხარ და ნუ შეიცვლები ჩემი გულისთვის.
მინდა ყოველდღე მოვუსმინო შენს საუბარს ან დუმილს.
მომეცი ნება პირველმა, მე მოგწმინდო ცრემლი, მე დავიჭირო
შენი ხელი, როცა დაგჭირდება.
დარჩი ჩემს მეგობრად...
და თუ ჩემთან ყოფნა არ მოგინდება, ნუ დამშორდები ღალატით.
მე შემიძლია გავიგო შენი წასვლა, ოღონდ მითხარი რომ აღარ გინდა ჩემთან.
და მაინც... დარჩი ჩემს მეგობრად...
მე დღეს არავინ მყავს შენს მეტი...
რადგან ცხოვრება ასე ხანმოკლეა, ვიყოთ მეგობრები.
დარჩი ჩემს მეგობრად.

/ნანუკა ჭკუასელი/




ტექსტის სანახავად გაიარეთ რეგისტრაცია.