ნანუკა ჭკუასელი - მე გავხდები წვიმა და მზე, რომელიც მოგონებას მოგიტანს და გაგახსენდები

 (ხმები: 2)


იმ დღისთვის, როცა წერა აღარ შემეძლება, გიტოვებ სიტყვებს, რომელიც შენ უნდა დაამთავრო.
იმ დღისთვის, როცა სიყვარული არ შემეძლება, გიტოვებ ადამიანს, რომელიც შენ უნდა შეიყვარო.
იმ დღეს, როდესაც აღარ ვიქნები, გჩუქნი სახლს, სადაც ბედნიერად იცხოვრებ.
მაგრამ, მინდა სიტყვებს გაცილებით დიდი დრო დაუთმო. თუ ძალგიძს დაასრულო ჩემგან წარმოთქმული ფრაზა, მივხვდები, რომ არ შევმცდარვარ შენში. ნუ იფიქრებ, რომ გავალდებულებ. ეს ჩემი არჩევანია და სწორედ იმ დღეს, როცა წერა აღარ შემეძლება,დაგიძახებ, დაგიძახებ, რომ ადამიანებს შენ მოუყვე ჩემი ფიქრები და განცდები.
წლების შემდეგ, როდესაც თოვლის ფიფქები წამწამებზე დაგადნება, იგრძნობ რომ შენთან ვარ. მე გავხდები წვიმა და მზე, რომელიც მოგონებას მოგიტანს და გაგახსენდები.
მართალია არ ვარ საკმარისად მდიდარი, რომ სასახლე გაჩუქო, თუმცა აგიგებ ქოხს ბუნების წიაღში. მე სწორედ იქ ვიყავი ბედნიერი.
მოუფრთხილდი, საკუთარ გულს მოუფრთხილდი და მერე ჩემზეც იზრუნებ.
იმ დღისთვის, როცა წერა აღარ შემეძლება, სიტყვებს დაგიტოვებ. სიტყვებს, რომელიც შენ უნდა დაასრულო.

/ნანუკა ჭკუასელი/



Loading...

ტექსტის სანახავად გაიარეთ რეგისტრაცია.