ასე მგონია შენს დაბადებას მეც მოვესწარი
თითქოს ზეციდან ღმერთთან ერთად თვალს ვადევნებდი,
ნეტავ რად შემხვდი ასე გვიან სუსხიან მარტში
მაინც არ დაგთმობ, ფიფქებთან ერთად აგედევნები.
შენი გულისთვის დავასკდები ატმებს კვირტებად
გრიგალს გავხედნი, გადავაქცევ სიოს-სალბუნად.
თავბრუს დაგახვევ დღესა და ღამეს ისე აგირევ
თავს გაგრძნობინებ უდაბნოში გადაკარგულად.
ბულბულს ვაჯობებ გიგალობებ, მერე გიმღერებ
სიყვარულს შეგყრი, ერთგულებით დაგაავადებ,
ღრეობებს ვივლი და სადღეგრძელოს სულ შენზე ვიტყვი
გავეჯიბრები, გამოვიწვევ ყველგან თამადებს,
შენ ყველა ნაბიჯს ია-ვარდად მოვეფინები
თან შეგიკერავ ყვავილების კაბას კოპლიანს,
იალბუზს მოვწყვეტ როგორც ნარცისს მარტში ამოსულს
და შენს ეზოში კავკასიონს დავდგავ
თოვლიანს.
მერე ფანჯრის წინ მაისის წვიმად მოგევლინები
და სათითაოდ დავადნები მე შენს სახურავს,
ქარი ვიქნები და ვარდისფერ ქოლგას წაგართმევ
მაისის წვიმით დავასველებ შენს თავსაბურავს.
მერე ჩამოვთოვ, მე შენს ქუჩას თეთრად შევღებავ
და შენს ფეხებთან გავეგები თოვლის საფარად,
ის სუსხიანი სიო მე ვარ ლოყებს რო გწვავდა
და ის ღრუბელიც სათოვლელად ცას რომ დაფარავს.
და ამ ყველაფერს გავაკეთებ: ასჯერ, ათასჯერ
არ დავიღლები გავაკეთებ შენთვის ყველა დღე,
შენი გულისთვის ზეცას გავხსნი, სხივს გამოუშვებ
რომ სითბომ ჩემმა მოაღწიოს იქნებ შენამდე.
მერე ფანჯრის წინ მაისის წვიმად მოგევლინები
და სათითაოდ დავადნები მე შენს სახურავს,
ქარი ვიქნები და ვარდისფერ ქოლგას წაგართმევ
მაისის წვიმით დავასველებ შენს თავსაბურავს.
მერე ჩამოვთოვ, მე შენს ქუჩას თეთრად შევღებავ
და შენს ფეხებთან გავეგები თოვლის საფარად,
ის სუსხიანი სიო მე ვარ ლოყებს რო გწვავდა
და ის ღრუბელიც სათოვლელად ცას რომ დაფარავს.
და ამ ყველაფერს გავაკეთებ: ასჯერ, ათასჯერ
არ დავიღლები გავაკეთებ შენთვის ყველა დღე,
შენი გულისთვის ზეცას გავხსნი, სხივს გამოუშვებ
რომ სითბომ ჩემმა მოაღწიოს იქნებ შენამდე.
Loading...
მოგესალმებით!