ნანა სელეპანოვა - წასვლა იყოს ლეგენდარული

ვიდრე ცა გზებზე
ნისლებს მომიფენს,
ვიდრე ხმა შემრჩა
ანდამატური,
დღეს მეც თქვენსავით
ნიღაბს მოვირგებ
და შეგაცბუნებთ
სიტყვით მაცდურით.


ნანა სელეპანოვა - იქ, სადაც მწვერვალებს ცა ბინდავს

წამიყვან? ვიცი, არ წამიყვან...
და მაინც მე გელი ამ ღამეს,
იქ, სადაც მწვერვალებს ცა ბინდავს,
სად კლდეზე დალეწილ კალმახებს
ტალღები ფსკერისკენ მიათრევს...
სადმე შორს.. სიღრმეში.. იმ მხარეს,
წვიმისგან დანამულ უღრან ტევრს
ვერ სწვდება მზის სხივის სინათლე.