ნანა სელეპანოვა - აკრძალული სიყვარული

სულში უცებ ჩაიღვარა
სიყვარულის ჰანგები,
უდარდელი ვიყავი და
ვნების მახეს გავები,
ლექსს ბორკილებს თუკი ახსნი,
სევდას გადააწყდები,
ხელში წლები მადნებიან
ბედნიერი წამების.


ნანა სელეპანოვა - გაჩუმდე უნდა

გაჩუმდე უნდა, თვალში
ნაცარს როს შეგაყრიან
და უცოდველი ბატკანივით,
როცა გწირავენ,
დითირამბების კორიანტელს,
როცა გაყრიან,
დაგაყენებენ კვარცხლბეკზე და..
რომ ჩაგძირავენ.