მკაცრი ნიღაბი

რისთვის გვიმალავ ჭეშმარიტ სახეს,
გარდაცვლილ სულთა უცხო ღვთაებავ,
ო, რა მკაცრია შენი ნიღაბი,
ამ ნიღაბს იქით რა იმალება . . .

mkacri nigabi , ristvis gvimalav cheshmarit saxe


ერთი წვიმის წვეთი - ნინო ახალაშვილი

ერთი წვიმის წვეთი,
წკაპა-წკუპით ნატრობს,
იქნებ ნახოს ღმერთი
და სულ ეძებს პატრონს...
ჯერ ეძება ცაში,
მოიარა მთები...
ახლა ცურავს ზღვაში,
ღმერთო, გევედრები:
დაიფარე წვეთი,
არ დაიხრჩოს წყალში,
წვიმის წვეთი ერთი
დააბრუნე სახლში...



ნინო-ახალაშვილი-nino-akhalashvili


წამო, მთაში წამიყვანე - ნინო ახალაშვილი

წამო, მთაში წამიყვანე!
მომიხატე გზები.
ფშავ მანახე! ხევსურეთის
დანისლული მთები...

მთას მანახე ჭაუხები,
გამიშალე თმები!
წამო, მართლა გეუბნები.
მის გარეშე ვკვდები!



ნინო-ახალაშვილი-nino-akhalashvili


მოვა თოვლი - ნინო ახლაშვილი

თოვლი მოვა, თეთრ სურვილად,
სიყვარული დამათოვს...
თავს მახსენებ სულ ტყუილად,
არაფერი არ მახსოვს...

მოვა თოვლი და ხეებზე
თეთრად დაეფინება...
თუ არ ფიქრობ, კარგო, ჩემზე,
იცი, რომ მეწყინება...




ნინო-ახალაშვილი-nino-akhalashvili


განა მიჭირს დავიწყება - ნინო ახალაშვილი

განა მიჭირს დავიწყება იმის,
ვინც აღმოჩნდა, არაფრად არ მთვლიდა...
არა! - მტკივა მიტოვება ფიქრის,
სულში ფრთებს, რომ გამალებით შლიდა...




ნინო-ახალაშვილი-nino-akhalashvili


სიცოცხლე მინდა ისეთი... - ნინო ახალაშვილი

სიცოცხლე მინდა ისეთი,
არწივს რომ ემგვანებოდეს...
საათი გვქონდეს ისეთი,
წამს წამი არ აკლდებოდეს...

სამშობლო მინდა ისეთი,
მტერთაც რომ ენატრებოდეთ...
საფიცრად გვქონდეს, ის ერთი,
არ დავთმოთ, თუნდაც ვკვდებოდეთ...


ნინო-ახალაშვილი-nino-akhalashvili


მე მოუსვლელი ზაფხული მტკივა - ნინო ახალაშვილი

მე მოუსვლელი ზაფხული მტკივა!
გათეთრებული თმები მატირებს...
გაყვითლებული თვალების მიღმა,
ვხედავ უძირო სევდის ნაპირებს...

ჭაღარა თმები... ნაბიჯი ნელი...
დამჭკნარი ხელი... თვალები ჭრელი...
ბებიკო! ისევ, ბავშვივით გელი,
სიცოცხლე დიდხანს... დღეები გრძელი...


ნინო-ახალაშვილი-nino-akhalashvili


ჩემში იღვიძებს ახლა დემონი! - ნინო ახალაშვილი

ჩემში იღვიძებს ახლა დემონი!
და ველი, იმ დღეს, ძირს რომ იხოხებ.
ვის არ უხდება კაბა დედოფლის?!
მაგრამ შენ ის თქვი, ვინ იდედოფლებს!

არ დავწერ ამ ლექსს, არ გავაგრძელებ!
ჩემში დემონზე მეტი - ქალია!
თუ ლექსის წერას დღეს ვერ ვახერხებ,
იცოდე, ესეც შენი ბრალია!


ნინო-ახალაშვილი-nino-akhalashvili


მოდი, გავიღიმოთ! - ნინო ახალაშვილი

მოდი, გავიღიმოთ! თუნდაც გარეთ წვიმდეს.
მოდი და უმზეო დღე ჩვენ გავანათოდ....
მხოლოდ ერთმანეთის სიყვარული გვჭირდეს
და ეს ბოროტება ერთად დავამარცხოთ...

მოდი, გავიღიმოთ! როგორც მზე იცინის,
თუ დღეს უმზეობა სულში დათარეშობს...
მოდი, დავუჯეროთ და ვენდოთ - იცი ვის?!
უფალს... სულში-გულში ღმერთი გავამეფოდ...



ნინო-ახალაშვილი-nino-akhalashvili


ვიღაც შენიანი - ნინო ახალაშვილი

როგორ გვემეტება ერთმანეთი,
როცა შეგვიძლია, სულ არ დავთმოთ.
პასუხი მჭირდება ერთადერთი:-
რატომ, ღმერთო ჩემო, ნეტავ რატომ?!
რატომ გვიცივდება ხოლმე გული?!
ერთ დროს, სიყვარულით რომ გვიძგერდა...



ნინო-ახალაშვილი-nino-akhalashvili


სულში ღმერთის ნაცვლად ღორებს იშენებენ! - ნინო ახალაშვილი

სულში ღმერთის ნაცვლად ღორებს იშენებენ!
კაცში უფლის მსგავსი აღარც თვალებია!
გული და გონება, ვეღარ იჯერებენ.
ყველამ მომატყუა, ვინცკი მყვარებია...

ღორი უკვე კაცში ისე გაბატონდა!
სული შეიკვეცა, სადღაც მიილია...
ყველა ღორი არის, ვინცკი ღალატობდა!
ახლა სულში მხოლოდ, მხოლოდ ტკივილია...




ნინო-ახალაშვილი-nino-akhalashvili


ვიცი მოვტყუვდი... - ნინო ახალაშვილი

ვიცი მოვტყუვდი, რადგანაც ვენდე,
ვინც არ ენდობა, ის, არც ტყუვდება!
ვფიქრობ... უბრალოდ, უბრალოდ შენზე,
წვიმიან ამინდს ფიქრი უხდება...

არ მინდა კაცში ვხედავდე ეშმაკს
და სინანულის ცრემლი მაწვიმდეს...
არ მინდა, ამ გულს, ქვის გული ერქვას,
არ მინდა გული, ისევ, გაცივდეს!





ნინო-ახალაშვილი-nino-akhalashvili