ქალავ საით გაგიწიეს ფიქრებმა

ქალავ საით გაგიწიეს ფიქრებმა,
კენტად როგორ შემატოვე ცხოვრებას,
აქ უშენოდ რა აზრი აქვს ფიფქებსაც
და ფიფქებში ხეტიალის ოცნებას.


გიორგი არაბული - შავ არაგვზე ამაყია შენი სული


შავ არაგვზე ამაყია შენი სული,
ამაყია ფიქრთა ლურჯი რკალები,
ღიმილი გაქვს მწუხარებით შენისლული,
როშკის ტბებზე კრიალა გაქვს თვალები.


ტარიელ ხარხელაური - შენ შემოგევლე

შენ შემოგევლე -
სიყვარულზე მომინდა ფიქრი...
ვზივარ ბუხართან და გაცრეცილს
ვუყურებ მთვარეს,
შენ შემოგევლე -


მერაბ არაბული - ქარი აიხვეტავს ფოთლებს

ქარი აიხვეტავს ფოთლებს,
სუნთქვა თმა–შევერცხლილ მთათა,
ზამთრის მოლოდინში შეშას,
ვამტვრევ ჩვენი ქოხის კართან.


ნიბლიას ანდერძი

ნიბლიას ანდერძი

ქარი უბერავს, მოაქვს ნამქერი,
ჩიტი ნიბლია ატირდა მთაზე.
– სულ მუდამ ლაღო და მხიარულო,
ჩიტო ნიბლიავ, ცრემლს აფრქვევ რაზე?
– უსახლკარო ვარ, განა არ იცი,
ყინვამ მომასწრო, ძმობილო, გზაზე.


ლევან საცერაძე - ქუთაისი

სად შეიძლება იხილო ვარდი,
ანდა ასეთი ნაზი ფერები?
მე ჩემს ქუთაისს ოცნებით ვუმღერ,
მე ჩემს ქუთაისს მოვეფერები.
მე ჩემს ქუთაისს ვაჩუქებ ყვავილს,
ლექსების წერა მასზე არ დამღლის,
ხელში ავიღებ საწერად კალამს
გორიდან გავშლი ქართველთა ალამს.


სტატუსები

ზოგჯერ გონებით წერტილს იქ სვავ,

სადაც გული მძიმეს ითხოვს...


დღეს მსურს ასრულებად დაგიბედო

დღეს მსურს ასრულებად დაგიბედო,
პეშვად ნაგროვები სურვილების,
იქნებ, უშენობა აღარ ვიგრძნო,
ანდაც, იქნებ, მჯერა ცრურწმენების.
ახლა იოლია სითამამე,
თითქოს, შეგრძნებებიც “გამომითვრა”
და თუ სიყვარულში გამოგიტყდე,
ვიტყვი შავმა ღვინომ გადამრია.
დღეს კი, ასე მინდა ,
დაგიბედო,
ჩუმი სურვილების ასრულებად,
შენ და კიდევ ჭიქა, შავი ღვინო,
მერე? მერე მხოლოდ
შეგრძნებებად...


რად მინდა გული, თუ ვერ ჩაუთბო ბუდე სიყვარულს...

რად მინდა გული, თუ ვერ ჩაუთბო ბუდე სიყვარულს,
თუ ვერ მოსინჯა ალერსისგან სველი ნისლები,
თუ არ ეტკინა, არ წაიქცა , თუ არ ჩაიქცა,
გრძნობადაცლილი მაშინ ალბად ჩონჩხი ვიქნები.
უნდა ღელავდეს , ბობოქრობდეს მისი ტალღები,
ქარიშხლისაგან დაილეწოს ფიქრი ტიალი,
ლეწავდეს კარებს, გასატანი გაჰქონდეს კალო,
ვცოცხლობდე მანამ, სანამ მესმის მისი ღრიალი.
რად მინდა გული საგულეში მშვიდად დებული,
მოძმის ავკარგზე ფორიაქით თუ არ ვიცოცხლე,
გეტკინოს გულო, წუთისოფლის სტუმრები გვქვია,
ამ ქვეყანაზე მის გარეშე არ ღირს სიცოცხლე.


ძნელია როცა გიყვარს, მაგრამ გიწევს დამალო

ძნელია როცა გიყვარს მაგრამ გიწევს დამალო
გინდა იტირო რომ დარდისგან გული დაცალო...
ძნელია როცა მონატრებით გინდა იყვირო
მაგრამ ჩუმად ხარ... ამჯობინებ უხმოდ იფიქრო...
ძნელია როცა ყოველ ღამით სიზმრებში ხედავ
და ამ სიზმარშიც მიყვარხარო თქმასაც ვერ ბედავ...
მართლა ძნელია სიყვარული გულში ჩაიკლა
არავის უთხრა...რომ სიწმინდე მისი დაიცვა...
ძნელია თურმე ღიმილით რომ სევდას მალავდე
თვალებზე მომდგარ ცრემლებს ჩუმად, უხმოდ ყლაპავდე....
ძნელი ყოფილა ყველა გრძნობის გულში დატევა
დევნა ოცნების როცა იცი ის არ ახდება....
ძნელია თურმე, ძნელი სუნთაქვაც იმის გარეშე
ვისაც გული და გონებაც კი ერთად აღმერთებს.


ბედნიერებას დანახვა უნდა...

ბედნიერებას დანახვა უნდა...
უბედურებას მხოლოდ შეგრძნება...
სიყვარულს მთელი გული სჭირდება...
აი,სიძულვილს წამიც ეყოფა.!!