ხუმარა მარკ ტვენი ამბობდა

ხუმარა მარკ ტვენი შურით ამბობდა ადამზე: "ის ბედნიერი ადამიანი იყო - როდესაც მას თავში მოსდიოდა რაიმე სასაცილო, მას შეეძლო დაწმუნებული ყოფილიყო იმაში, რომ ..." რაში?




პასუხი: "... ის არ იმეორებს სხვის ხუმრობას".


ექიმების აზრით ...

ექიმების აზრით, ეს ხელს უშლის კარიესის წარმოქმნას, აძლიერებს ნივთიერებათა ცვლას და კალორიებს ჩვეულებრივზე უფრო სწრაფად წვავს. ეს აყოვნებს სიბერის პროცესს და ამაღლებს ცხოვრების ტონუსს. მწერალ ტომ რობინსის აზრით, ეს არის "კაცობრიობის უდიდესი გამონაგონი". რა არის ეს?




პასუხი: კოცნა.


ერთ-ერთმა გამოჩენილმა ქართველმა ხელოვანმა ...

ერთ-ერთმა გამოჩენილმა ქართველმა ხელოვანმა თავის მემუარებში დაწერა: "ის ჩემი ქმნილებაა, ჩემი შვილია. მაგრამ ამავე დროს ის ჩემი დედაა, ყოველი ჩვენთაგანის დედაა." რომელ ქმნილებაზე დაიწერა ეს სიტყვები?






პასუხი: "ქართლის დედა".


მისი სიმაღლე დაახლოებით 2 მეტრს შეადგენს ...

მისი სიმაღლე დაახლოებით 2 მეტრს შეადგენს. ის არის მოლურჯო სახის მქონე, სწორთმიანი, მხარბეჭიანი არსება, რომელსაც კისერზე ორი ჭანჭიკი აქვს. ის უზარმაზარი ძალის პატრონია. მას ორივე ფეხი მარცხენა აქვს. პირველად მის შესახებ მსოფლიომ გაიგო XIX ს-ის I ნახევარში. ვიზე ან რაზეა საუბარი?




პასუხი: საუბარია ფრანკენშტაინზე.


გამოშვებიდან მხოლოდ 6 თვის განმავლობაში ...

გამოშვებიდან მხოლოდ 6 თვის განმავლობაში გაიყიდა ამ წიგნის მილიონი ეკზემპლიარი, ხოლო მისი მიხედვით გადაღებულმა ფილმმა მიიღო უამრავი "ოსკარი". თუმცა, მიუხედავად ამისა, მას ხუმრობით უწოდებენ "რომანს დისტროფიკებზე". რა ეწოდება ამ წიგნს სინამდვილეში?







პასუხი: "ქარწაღებულნი".


ჟან-ბატისტ სიმეონ შარდენი - მე-18 საუკუნის მხატვრობა

გრეზის სურათები დეტალებს რეალისტურად ასახავს, რასაც ვერ ვიტყვით ჟან-ბატისტ სიმეონ შარდენის (1699-1779) ნამუშევრებზე. მხატვრის შემოქმედება მისი ცნობილი თანამედროვეების შემოქმედებისაგან მკვეთრად განსხვავდება. მისი ნამუშევრები კონცენტრირებულია, ძირითადად, ნატურმოტებზე, რომლებშიც აღსანიშნავია შინაგანი კანონზომიერება. უბრალო საყოფაცხოვრებო ნივთები ადამიანური გრძნობითაა გამთბარი, ხოლო ჩვეულებრივი ხალხი ბიბლიური პერსონაჟებისთვის დამახასიათებელი სიმშვენიერით არის წარმოდგენილი.


ჟან-ბატისტ გრეზი - მე-18 საუკუნის მხატვრობა

ერთ-ერთი ყველაზე პოპულარული მხატვარი იყო ჟან-ბატისტ გრეზი (1725-1805), რომლის კომპოზიციებისთვისაც დამახასიათებელია სენტიმენტური, გულის ამაჩუყებელი მგრძნობელობა. მის ნამუშევრებში “მამის წყევლა” და “მფლანგველის დაბრუნება” თითქოს წინასწარ არის განჭვრეტილი მე-19 საუკუნის ვიქტორიანული ხელოვნების ტიპური მომენტები.


ჟან-ონორე ფაგონარი - მე-18 საუკუნის მხატვრობა

ბუშეს მოწაფემ, ჟან-ონორე ფრაგონარმა (1732-1806), მალევე აღმოაჩინა, რომ მის პატრონებს ყველაზე მეტად თავქარიანი სცენები მოსწონდათ, მაგალითად, ისეთი, როგორიც წარმოდგენილია სურათში “საქანელა”. ამ ნამუშევარში გამოხატულია სიცოცხლისა და სიყვარულისადმი მსუბუქი დამოკიდებულება. ეს დამოკიდებულება, რომელიც 1789 წლის რევოლუციის წინ შეიცვალა, ტიპური იყო ფრანგი არისტოკრატებისათვის.

ამ ნამუშევარში გამოხატულია სიცოცხლისა და სიყვარულისადმი მსუბუგი დამოკიდებულება, რომელიც ფრანგი არისტოკრატებისათვის ტიპიური იყო.




ფრანსუა ბუშე - მე-18 საუკუნის მხატვრობა

შემდგომი თაობის წამყვანი ფრანგი მხატვრის, ფრანსუა ბუშეს (1703-1770) ტილოები გამოირჩევა ხალისიანი, ძლიერი განწყობით, რამაც ხელოვანს სამეფო კარის პირველი მხატვრისა და გობელენების ფაბრიკის მთავარი დიზაინერის წოდება დაუმკვიდრა. ბუშეს ნამუშევრებში მრავლადაა მითოლოგიური საგნები, მაგრამ, სინამდვილეში, ეს უბრალოდ საბაბია ღმერთებისა და ნიმფების გართობის სცენების საუცხოოდ ასახვისათვის.


ანტუან ვატო - მე-18 საუკუნის მხატვრობა

18 საუკუნის მხატვრებიდან ერთ-ერთი პირველი და უდიდესი წარმომადგენელია ანტუან ვატო (1684-1721). პარიზში ჩასვლისას გზა ოპერის სცენის დეკორაციების მოხატვით გაიკვალა. მან შექმნა სურათების ახალი სერია, “გალანტური დღესასწაულები”, რომლებზეც სადღესასწაულოდ შემოსილი არისტოკრატი საყვარლები პარკებსა და ჭალებში საუბრითა და მუსიკით ერთობიან. მის ცნობილ ნამუშევარში “მოგზაურობა კუნზულ კითერაზე”, საყვარლები მე-16 საუკუნის კოსტიუმებით არიან შემოსილი, მთლიანად სიუჟეტი კი, შესანიშნავად ერგება თეატრის სცენას. ვატო თეატრით მოხიბლული იყო. მის ტილოებს ეკუთვნის სურათი “ჟილი”, რომელზეც მოხეტიალე მსახიობები და მასხარები არიან ასახული. ვატოს “გალანტური დღესასწაულების” უზრუნველი გამოსახულების მიღმა საკმაოდ სევდიანი აზრია დაფარული.


ლუის ლე პრინსი - იდუმალი გაუჩინარება

ყველასთვის ცნობილი გამომგონებელი ტომას ედისონი საქვეყნოდ აღიარებულია როგორც მოძრავი გამოსახულების შემქმნელი, თუმცა ბევრი ისტორიკოსი მიიჩნევს, რომ სწორედ ლუის ლე პრინსია კინემატოგრაფიის ნამდვილი მამა. 1890 წლის 16 სექტემბერს იგი საკუთარი გამოგონების წარსადგენად ამერიკის შეერთებულ შტატებში მიემგზავრებოდა, როცა მატარებლიდან მოულოდნელად სადღაც გაუჩინარდა.



ცნობილი ადამიანების ფობიები

ალფრედ ჰიჩკოკი (Alfred Hitchcock) ცუად ხდება კვერცხებზე. შეიძლება ცოტა სასაციოდაც მოგვეჩვენოს, რომ Psycho – ს რეჟისორს ასე სძულს კვერცხები, რომლებიც ადამიანებისთვის ჩვეულებრივი საკვებია, მას განსაკუთრებით ეზიზღება თხევადი და ლორწოვანი.


ეს ფობია კი ალბათ ყველასათვის ცნობილია, ჩვენი ბავშობის გამლამაზებელს ლეგენდარული მიკი მაუსის შემქმნელ უოლტ დისნეის (Walt Disney) ძალიან ეშინოდა თაგვების.