გედების ერთგულება

ერთგულება, ხომ – ერთ-ერთი ნათელი და გულწრფელი გრძნობაა ამ ქვეყნად… და ის მუდამ ისეთი ყოფილიყოს, როგორიც გედების ერთგულება!!!

გედების ერთგულება საუკუნეებით არის დამტკიცებული. ამბობენ, რომ გედებს აქვთ- გედების კანონი! „კვდება საყვარელი, კვდება თვითონაც!
— „ ფრთებს მოხრის და ვარდება კლდიდან ქვემოთ , ხოლო მის ირგვლივ ცისარტყელას ფერები ჩნდება!”
მოდით, როგორც გედები, გვიყვარდეს საყვარელი ადამიანი და გედების ერთგულება ჩვენს გულებში შევინახოთ და გულით ვატაროთ !…


გაწვდილი ხელები, ცოტათი დაღლილი

გაწვდილი ხელები, ცოტათი დაღლილი,
ამღვრეულ თვალებში ჩათქმული სურვილი,
იმედი სულგრძელი, არც ისე ადვილი...
ვნებების ბოლომდე მიშვების წყურვილი.

და თმენაც დაღლილი, უმწეო ლოდინი,
გრძნობები, ბავშვობის ნათელი ზღაპარი,
არც ისე თბილი და აშლილი ლოგინი,
და ხვალე, შეხვედრის წუთებით გამთბარი.


ცამ მსუბუქი ჩამოყარა ფანტელები

ცამ მსუბუქი ჩამოყარა ფანტელები,
ათოვს ბაღებს, ათოვს სახლებს, ათოვს ცაცხვებს...
და ქუჩებში, როგორც ციცინათელები,
ათასობით გირლიანდა მიმოფანტეს.
საღამოა, დაუდვია ფრთხილად თრთვილი,
ფეხი თოვლზე სრიალებს და ხრაშიხრუშობს,
თითქო მიწამ ჩაიძინა ზამთრის ძილით,
და ნიავი უდარდელად ფაციფუცობს...
თეთრ ქუჩაში, თეთრ ჭადრის ქვეშ შენს ლანდს ვეძებ,
გახსოვს ერთხელ ამ ხეივანს გავუყევით,


იქნება კიდევ ათასი ფერი

იქნება კიდევ ათასი ფერი,
იქნება კიდევ ფოთოლთა კვდომა
და არაფერი, და არაფერი
არ გადიქცევა ამ შემოდგომად.
იქნება კიდევ ასეთი წვა და
ასეთი ჩუმი ტკივილის განცდა,
ის, ვინაც ახლა უგულოდ წავა,
შენში დარჩება ერთადერთ კაცად.


ეს დღეც უშენობის დღეებს გავატანე

ეს დღეც უშენობის დღეებს გავატანე,
თითებს დაჰყვებიან სუნთქვის აკორდები,
სული რომ მომეთქვა, ძალა დავატანე,
არა, არ დავღლილვარ, ისევ მაგონდები

ისე დამიგროვდი, ვერსად ჩაგატიე,
ვიცი ამოხეთქავს მალე აგონია,
ასე რომ მიყვარხარ ესეც მაპატიე,
იქნებ დავიღალო..თუმცა არ მგონია..


სიყვარული სულგრძელია

სიყვარული სულგრძელია, სიყვარული ქველმოქმედია. არ შურს, არ ყოყოჩობს, არ ამპარტავნობს, არ ხარობს სიცრუით, არამედ ჭეშმარიტება ახარებს, ყოველივეს იტანს , ყველაფერი სწამს , ყველაფრის იმედი აქვს და ყოველივეს ითმენს


ჩამოთოვს ისევ...

ჩამოთოვს ისევ...
დაზღაპრულ ბაღებს
წამოსტკივდებათ ცის ბილიკები.
მომენატრები...
და საოცრებას დაველოდები,დაველოდები.
...დრო კი წამართმევს,
უმოწყალოდ წაიღებს სევდას...
მერე ჩამიბნევს
თმებში ცისფერ ოცნებებს ბავშვურს.
მომენატრები...
ჩამოთოვს ისევ...