მშვენიერი დღე

მშვენიერი დღე

ფანჯრის რაფაზე დიდხანს ვიჯექი, გარეთ მშვენიერი ამინდი იყო. და სმენას მიმშვენებს ჩემს კომპიუტერში აჟღერებული მუსიკაც, ჩიტების ჭიკჭიკი და ადამიანების სიარული თვალებს მინათებს, დღეს მშვენიერი ამინდია ვხედავ გაღმა სტადიონს, ყველა ერთობა. ზოგი დაბლა ასფალტზე, სტოტუარზე ზის და სატრფიალო მუსიკას უკრავს, და მღერის, უფრო სწორად, ვიღაცას უმღერის.


პოეტი

მე შეუძლოდ ურითმობა მხდის
ამოვწურავ ალბათ ლექსთა მარაგს
გავურბივარ ან მეშინია რის
თუ არავინ ლექსის თქმას არ კრძალავს

ხოლო როცა გამოჩნდება რამე
როცა უკვე მზად იქნება კერძი
მაშინ ვიტყვი რომ დავითვლი წამებს
წამებს როცა ლექსებს აღარ ვებრძვი


მაპატიე, თუ სათქმელი ვერ გითხარი

მაპატიე, თუ სათქმელი ვერ გითხარი ,
გულში გრძნობა დავხუთე და დავატიე .
თუმცა ევას მემკვიდრე ვარ , მაგრამ მაინც ,
ეს უთქმელი სიყვარული მაპატიე . . .


ტირილი მინდა... მაგრამ ცრემლები არ მომდის

ტირილი მინდა... მაგრამ ცრემლები არ მომდის... მინდა თვალები დავხუჭო და გავქრე... ან შენ გაგაქრო... არა, რა სისულელეს ვამბობ... შენ ხომ ცხოვრებას მილამაზებ... ქვეყანა რომც ინგრეოდეს, მაინც მენდომებოდა სიცოცხლის გაგრძელება... მხოლოდ იმის იმედით გავიღვიძებდი დილით,რომ იქნებ შენი თვალები მენახა... ყველაფერს დავთმობდი, რაც კი ძვირფასია ჩემთვის, რომე კიდევ ერთხელ მაინც მეგრძნო შენი სიახლოვე... შენი გულისცემა... შენი სითბო... იცი რატომ მიყვარს ზღვა? ის შენს თვალებს მაგონებს... იცი რატომ მიყვარს პატაარ ბავშვი? ის შენი ღიმილივით სუფთაა და სათნო... იცი რატომ მიყვარს სიჩუმე? სიჩუმეში შენი გულის ცემა მესმის... იცი რატომ მიყვარს სიცოცხლე? იმიტომ რომ შენ არსებობ... მეძინება... მაგრამ თვალების დახუჭვის მეშინია... იმიტომ რომ ვიცი... შენს სახეს დავინახავ... და მერე ისევ ტირილი მომინდება... მაგრამ ცრემლები არ წამოვა... მინდა რომ შენთან ერთად გატარებული ყოველი წამი გავყინო და შევინახო... ... საერთოდ არ ვარ ძუნწი... მაგრამ შენ არ დაგთმობდი..
შენზე ფიქრები არ მასვენებს... ყველაფერზე შენ მახსენდები... და მერე ისევ ტირილი მინდება... მაგრამ ცრემლები არ მომდის... იცი რატომ? იმიტომ, რომ შენს გამო წამოსული ცრემლების დაკარგვაც მენანება... მირჩევნია გულმა იტიროს... და ტირის კიდევაც...



მე მინდა შენგან რომ მყავდეს ბიჭი

მე მინდა შენგან რომ მყავდეს ბიჭი
თან მამაჩემის ერქვას სახელი
არ მოჰყვეს ჩემი "დალევის ნიჭი"
არ შერცხვეს არსად ჩვენი გამხელის...

მე მინდა შენგან პატარა კაცი
მამას დარდებს რომ გააფერადებს
მე მინდა შენგან ბიჭი - მამაცი
რომელიც მერე დაიცავს მის დებს...









მე მინდა შენგან ერთი ცხოვრება
სიკვდილთან რომ არ დამამეგობრებს
ქართული სულ რომ ემახსოვრება
ქალს რომ არასდროს "დაატერორებს"...
მე მინდა შენგან ცელქი ჩხაიძე
მცირე ყანწით და ბევრი წიგნებით
რომ დაპატიჟოს მტერი ჩაიზე
და იზეიმოს ტაძრის მიგნებით....
მე მინდა შენგან ბიჭი ანდრია
მე მინდა გულის ჩემი მალამო
ვიცი დღეს წასვლა – ჩემი ადრეა
ხოდა იმატე ჩემო კალამო !...