ახალი თეთრი სოკო კვერცხით

axali tetri soko kvercxit kulinaria qaruli samzareulo კულინარია ქართული სამზარეულო
მასალა:
სოკო - 500 გრამი
კარაქი - 50 გრამი
კვერცხი - 2 ცალი
ხახვი - 2-3 თავი
მწვანილი - 3-3 ძირი
მარილი, პილპილი - გემოვნებით





მომზადების წესი:
ქორფა, თეთრი სოკო გავარჩიოთ სუფთად, მოვაჭრათ ძირები, თითოეული დავჭრათ, მოვშუშჴთ ძლიერ ცეცხლზე, კარაქში. ჩავამატოთ ცალკე კარაქში მოშუშული წვრილად დაჭრილი ხახვი, შევაზავოთ დაკეპილი ახალი ქინძით, კამით, ოხრახუშით, შავი პილპილით, მარილით. როცა მზად იქნება, ზემოდან გადავასხათ გათქვეფილი კვერცხი და გადმოვდგათ ცეცხლიდან.



გემრიელად მიირთვით!


სოკო ნიგვზით

soko nigvzit kulinaria qaruli samzareulo კულინარია ქართული სამზარეულო
მასალა:
სოკო - 1 კილოგრამი
ხახვი - 4-5 თავი
ზეთი - 3 სუფრის კოვზი
ნიგოზი - 1,5 ჩაის ჭიქა
ქინძი, წიწაკა, მარილი - გემოვნებით






მომზადების წესი:
სოკო დავარჩიოთ, კარგად გავრეცხოთ, დავჭრათ სიგრძეზე და ჩავყაროთ ცივ წყალში. შემდეგ ხელით მაგრად გავწუროთ, მოვათავსოთ ფიცარზე და დანით წვრილად დავკეპოთ. ასევე წვრილად დავკეპოთ ხახვი. ჩავყაროთ ქვაბში, დავასხათ ადუღებული წყალი და ვხარშოთ დაახლოებით ნახევარი საათის განმავლობაში. წყალი რომ შეაშრება დავამატოთ ზეთი და ვშუშოთ. შემდეგ გადმოვიღოთ ლანგარზე. მოვაყაროთ წმინდად დანაყილი ნიგოზი, წიწაკა, მარილი, ქინძი, კარგად ავურიოთ და მივიტანოთ მაგიდაზე.




გემრიელად მიირთვით!


შემწვარი კალმახი ბროწეულის წვენით (თევზეული)

moxarshuli kalmaxi broweulis wvenit tevzeuli kulinaria qaruli samzareulo
მასალა:
კალმახი - 1 კილოგრამი
კარაქი - 100 გრამი
კვერცხი - 2 ცალი
ლიმონი - 1 ცალი
ბროწეულის წვენი - 1 ჩაის ჭიქა
ქინძი, მარილი - გემოვნებით






მომზადების წესი:
ახალი, წითელწინწკლებიანი კალმახი გავასუფთავოთ, მოვაშოროთ ლაყუჩები, გავრეცხოთ ცივ წყალში, გავჭრათ სიგრძეზე, მოვაყაროთ მარილი. მუცელი ამოვუვსოთ უმი კვერცხით, კარაქით, კანგაცლილი, თხლად დაჭრილი ლიმონით და ახალი ტარხუნის ნაზავით. მუცელი დავუხუროთ, ზევიდან წავუსვათ არაჟანი და დავდოთ გაცხელებულ ცხიმიან ტაფაზე. როდესაც ორივე მხრიდან შეიწვება, მოვათავსოთ ლანგარზე და დავამშვენოთ ოხრახუშის ფოთლებით. სუფრაზე ცალკე მივიტანოთ ბროწეულის წვენი - შეზავებული ახალი ქინძითა და მარილით.

გემრიელად მიირთვით!


მოხარშული ცოცხალი (თევზი) (თევზეული)

moxarshuli cocxali tevzi tevzeuli kulinaria qartuli samzareulo
მასალა:
ცოცხალი - 1 კილოგრამი
შაბი - 4-5 გრამი
ოხრახუში - 4-5 ძირი
მარილი - გემოვნებით






მომზადების წესი:
ცოცხალი თევზი გამოვშიგნოთ, მოვაშოროთ ლაყუჩები და გავრეცხოთ ცივ წყალში. შემდეგ დავჭრათ სამ-ოთხ ნაწილად; მომცრო თევზები დავტოვოთ მთელ-მთელი, მოვათავსოთ მარილითა და შაბით შეზავებულ მდუღარე წყალში და მოვხარშოთ. შემდეგ ამოვიღოთ წყლიდან, გავშალოთ, მოვასხუროთ ცივი წყალი. შეგრილებისას მოვათავსოთ ლანგარზე და მოვუწყოთ ოხრახუშის ფოთლები.


გემრიელად მიირთვით!


შემწვარი თართი ან ზუთხი პამიდვრის საწებლით (თევზეული)

shemcvari tarti an zutxi pamidvris sawebelit tevzeuli kulinaria qartuli samzareulo
მასალა:
თევზი (თართი ან ზუთხი) - 1 კილოგრამი
ხახვი - 3-4 თავი
პამიდორი - 1 კილოგრამი
მცენარეული ზეთი - 5 სუფრის კოვზი
ოხრახუში - 2 ძირი
წიწაკა და მარილი - გემოვნებით




მომზადების წესი:
გასუფთავებული, გარეცხილი, ნაჭრებად დაჭრილი თევზი (თართი ან ზუთხი) ორვე მხრიდან შევწვათ ცხელ ტაფაზე მცენარეულ ზეთში.

პამიდორი გავხეხოთ სახეხზე, ჩავასხათ ქვაბში, დავუმატოთ მცენარეული ზეთი, დავდგათ ცეცხლზე და მოვხარშოთ შესქელებამდე. ხარშვის დასრულებისას დავუმატოთ დანაყილი ნიორი, წიწაკა და ძალიან წვრილად დაჭრილი ოხრახუში.

ხახვი დავჭრათ მრგვალად, მოვათავსოთ ზეთიან ტაფაზე და მოვშუშოთ. შემწვარი თევზი ლანგარზე დავალაგოთ, მოვასხათ მოშუშული ხახვი და ზემოდან პამიდვრის საწებელი.


გემრიელად მიირთვით!


მოხარშული თართი ან ზუთხი ძმრის საწებლით (თევზეული)

moxarshuli tarti an zutxi dzmris sawebelit sawebelit tevzeuli kulinaria qartuli samzareulo

მასალა:
თევზი - 1 კილოგრამი
ხახვი - 2 თავი
ძმარი - 0,5 ჩაის ჭიქა
ბულიონი (თავისი სიმსუქნით) - 0,5 ჩაის ჭიქა
ქინძი - 5-6 ძირი
მარილი - გემოვნებით




მომზადების წესი:
გასუფთავებული, გარეცხილი თართის ან ზუთხის მთლიანი ნაჭერი ჩვეულებრივი წესით მოვხარშოთ, გავაცივოთ, დავჭრათ მოგრძო, თხელ ნაჭრებად და დავალაგოთ ლანგარზე.

თევზის ბულიონს (თავისი სიმსუქნით) დავუმატოთ ძმარი, წვრილად დაჭრილი ქინძი, ავურიოთ და ლანგარზე დაწყობილ თევზს გადავასხათ. ზევიდან მოვაყაროთ ალყა-ალყა დაჭრილი ხახვი.


გემრიელად მიირთვით!



მოხარშული თართი ან ზუთხი ნიგვზის საწებლით (თევზეული)

moxarshuli tarti an zutxi nigvzis sawebelit tevzeuli kulinaria qartuli samzareulo
მასალა:
თართი ან ზუთხი - 1 კილოგრამი
ნიგოზი - 1 ჩაის ჭიქა
ქინძი - 2 ძირი
ნიორი - 1-2 კბილი
წყალი - 1,5 ჩაის ჭიქა
თევზის წვენი - 0,5 ჩაის ჭიქა
ხახვი - 1 თავი
ძმარი, მარილი - გემოვნებით



მომზადების წესი:
გასუფთავებული, გარეცხილი თართი ან ზუთხი მარილწყალში მოვხარშოთ ჩვეულებრივი წესით, მერე გავაცივოთ, ნაჭრებად დავჭრათ და ლანგარზე დავალაგოთ.
ნიგოზი დავნაყოთ, გამოვხადოთ ზეთი და ცალკე ჭურჭელში ჩავასხათ. ქინძი, ნიორი, მარილი, წიწაკა დავნაყოთ, დავუმატოთ ძმარი, დაკეპილი ხახვი და გავხსნათ ადუღებულ წყალში, რომელშიც ნაწილობრივ არეული იქნება თევზის ბულიონი თავისი სიმსუქნით. მომზადებულ საწებელში ჩავალაგოთ დაჭრილი თევზი, ზევიდან მოვასხათ გამოხდილი ზეთი.

გემრიელად მიირთვით!