ფრანგმა როლიკებზე მოკატავემ მსოფლიო რეკორდი დაამყარა როლიკებით ხტომაში, იმის შემდეგ რაც 29 მეტრის სიგრძის ნახტომი გააკეთა.
35 წლის რეკორდსმენმა 150 მეტრიან ბილიკზე აკრიფა ის სისწრაფე , რომელიც იყო საკმარისი რეკორდის დასამყარებლად.
მან სულ 2ჯერ გააკეთა ნახტომი. პირველ ჯერზე მისი შედეგი იყო 28,4 მეტრი. ეს იყო 4.4 მეტრით მეტი წინა რეკორდზე (24 მეტრი). ხალხის დაჟინებული თხოვნით მან მეორე ნახტომიც შეასრულა და თავისივე შედეგი გააუმჯობესა - 29 მეტრი!

იმის შემდეგ რაც გუგლმა წარმოადგინა ახალი სოციალური ქსელი, იმ თვისებებით რაც Facebook-ს არ გააჩნდა, Facebook-მაც არ დააყოვნა და საკადრისი პასუხი გასცა გუგლის ახალ პროექტს.
Facebook-ის პატრონმა მარკ ცუკერბერგმა გამართა პრესკონფერენცია, რომელზეც წარადგინა რამდენიმე გაუმჯობესება : ჯგუფის ვიდეო-ჩატი, ახალი დიზაინი და Google+-ის “Hangouts”-ის მაგვარი ჯგუფები, უკანასკნელი გუგლის პროდუქტისგან განსხვავდება მხოლოდ იმით, რომ ჯგუფის ვიდეო-ჩატი არ გააჩნია.
მარკ ცუკერბერგის თქმით ახალი აპლიკაციები მოხმარებაში სულ მალე ჩაეშვება.

წამყვანი რუსი ასტროლოგი აცხადებს, რომ დედამიწის მოსახლეობა უცხო ცივილიზაციებთან კონტაქტში 2031 წლისთვის შესული იქნება.
"უცხო პლანეტებზე სიცოცხლე არსებობს და ამას ნამდვილად ვნახავთ უახლოეს მომავალში" - ამბობს ანდრეი ფილკენშტაინი, რუსული ასტროლოგიის აკადემიის დირექტორი. მან განაცხადა, რომ 10 პროცენტი იმ ჩვენთვის ცნობილი პლანეტებისა, რომელიც ვარსკვლავის გარშემო მოძრაობს არის დედამიწის მაგვარი.
თუ იმ პლანეტებზე აღმოჩენილი იქნება წყალი, მაშინ დიდი შანსია იმისა რომ არსებობდეს სიცოცხლეც და ამატებს, რომ უცხოპლანეტელებს ექნებათ ისეთივე გარეგნობა როგორიც ადამიანს აქვს : ორი ხელი, ორი ფეხი და ერთი თავი. შესაძლოა მათ ქონდეთ სხვა კანის ფერი, თუმცა ეს გასაკვირი არ იქნება რადგან ადამიანებსაც აქვთ სხვა კანის ფერი.

ფილკენშტაინის ინსტიტუტი აკვირდება კოსმოსში გაგზავნილ იმ რადიოტალღებს, რომლებიც გაშვებული იქნა 60იან წლებში ცივი ომის დროს, მაშინ როდესაც საბჭოთა კავშირს და აშშ-ს სამეცნიერო რბოლა ჰქონდათ გამართული.

ჰოლანდიის ქალაქ ენსშედეში საშინელი რამ მოხდა. საფეხბურთო გუნდის - ტვენტეს სტადიონის ტრიბუნა ჩამოიშალა.
რამდენიმე ადამიანი ნანგრევების ქვეშ მოექცა და ამჟამად მიმდინარეობს სამაშველო სამუშაოები.

ის სექცია რომელიც ჩამოიშალა იყო ის ნაწილი, რომელიც მიმდინარე რეკონსტრუქციისას აშენდა.
თავდაპირველად 1998 წელს, როდესაც საფეხბურთო გუნდი ამ სტადიონზე გადმოვიდა, სტადიონი იტევდა 13,500 მაყურებელს, ხოლო რეკონსტრუქციის შემდეგ სტადიონი დაიტევდა 30,000-მდე მაყურებელს.

უგანდაში, ანტი-სანაღმო დეპარტამენტი გაოცებული დარჩა იმის შემდეგ, რაც ერთ-ერთ სკოლაში აღმოაჩინეს თუ როგორ იყენებდნენ ნაღმს სკოლის ზარად.
მასწავლებლები ნაღმს ქვებს ესროდნენ რაც იწვევდა ხმებს, რის შემდეგაც მოსწავლეები კლასში ბრუნდებოდნენ დასვენებების შემდეგ.
დეპარტამენტის უფროსმა განაცხადა, რომ ნაღმი ჯერ კიდევ მოქმედი იყო, და უეჭველად აფეთქდებოდა იმ შემთხვევაში, თუ მას ქვა უფრო დიდი ძალით მოხვდებოდა, რაც 700 მოსწავლიან სკოლას უდიდეს ზარალს მიაყენებდა.

უგანდის საბრძოლო ძალები ბოლო ორი ათწლეულის მანძილზე ებრძოლებოდა აჯანყებულებს, რის შედეგადაც უამრავი ნაღმი გაიფანტა ქვეყანაში.
ეს არის მეორე შემთხვევა ბომბის სკოლაში აღმოჩენის ბოლო 6 თვის განმავლობაში. მეორე შემთხვევაში ბავშვები ნაღმს იყენებდნენ როგორც სათამაშოს დასვენებების დროს.

ბრიუსელის ისტორიის მუზეუმში ახლახანს მოხდა ძარცვა. მოპარული იქნა მარტორქის თავის ფიტული. ასეთი შემთხვევა უკვე მეორეჯერ დაფიქსირდა ამ მუზეუმში უკანასკნელი 2 თვის განმავლობაში.

მარტოქრქის თავი მოიპარა სამმა მძარცველმა, რომელთაც მუზეუმის გარეთ ჰოლანდიურ ნომრებიანი მანქანა ელოდათ. მუზეუმი იმ დროს უკვე იკეტებოდა, ამიტომ ცოტა მნახველი იყო მუზეუმში. დაცვამ როდესაც ეს ფაქტი შენიშნა დაუყონებლივ დაედევნა მძარცველებს, მაგრამ მათ მანქანაში ჩაჯდომა და გაქცევა მოასწრეს.

მუზეუმი მდებარეობს ბრიუსელის ცენტრში, კერძოდ კი ევროპარლამენთთან. მუზეუმი ცნობილია იმ უამრავი სახეობის დინოზავრების ჩონჩხებისთვის, რომლებიც განთავსებული მასში.

ზუსტად ასეთივე ძარცვა მოხდა 16 ივნისს. ამჯერად მარტორქის თავის მოტაცებას მხოლოდ ერთი ადამიანი ცდილობდა, ამიტომ დაცვას არ გაჭირვებია მისი დაკავება.

მარტორქებზე ნადირობა ძირითადად მათი რქების გამო ხდება. მარტორქის რქები შავ ბაზარზე იყიდება როგორც ძვირფასეულობა და ასევე გამოიყენება მედიცინაში.

თუმცა, ერთი ქვეყანა მაინც მიდის ნათელი ხვალინდელი დღისკენ გადამწყვეტი ნაბიჯებით.ამან არ შეიძლება არ გაახაროს კომპანია Samsung, რადგანაც ეს ქვეყანა სამხრეთ კორეაა. გასულ კვირას კორეამ განაცხადა, რომ მის მიერ $2 მლრდ გამოყოფილი ციფრული სახელმძღვანელოების შესაქმელად და 2015 წლისთვის ქაღალდიდან ციფრულ სწავლებაზე გადასასვლელად. მოსწავლეებს წვდომა ექნებათ ციფრულ სასწავლო მასალებთან, რომლებიც ღრუბლოვან ცენტრალიზებულ სისტემაში შეინახება და რომელშიც ტრადიციული ტესტური და გრაფიკული კონტენტი მულტიმედიურ მონაცემებთან იქნება გაერთიანებული. ციფრულ სახელმძღვანელოებთან სამუშაო საშუალება სპეციალური სასკოლო პლანშეტები იქნება.

სისტემა დაეხმარება იმ მოსწავლეებსაც, რომლებიც სახლში გადიან სასკოლო პროგრამას ან დროებით არ დადიან სკოლაში, მათ გაკვეთილზე დასწრება სკოლის გარეთაც შეეძლებათ. საინტერესოა იმის ნახვა, დაეხმარება თუ არა ეს პროგრამა ქვეყანაში ცოდნის საშუალო დონის ამაღლებას, თუ არანაირ საგრძნობ შედეგს არ გამოიღებს. პერსპექტივაში ამან საგრძნობი ეკონომია უნდა გამოიწვიოს, რადგანაც მილიონობით სახელმძღვანელოს დაბეჭდვის აუცილებლობა აღარ იქნება.

აგვისტოში ირანი გეგმავს მაიმუნის კოსმოსში გაშვებას. როგორც ცნობილია, ჯერ-ჯერობით მიმდინარეობს ხუთი მაიმუნის ტესტირება. ამ ხუთი მაიმუნიდან ამოარჩევენ ერთს, რომელიც იქნება შესაფერისი, რომ გაფრინდეს კოსმოსში რაკეთით - Kavoshgar-5.
ირანის პრეზიდენტი - მაჰმუდ აჰმადინეჯადი აცხადებს, რომ 2017 წლისთვის ირანის მთავრობა გეგმავს კოსმოსში ადამიანის გაშვებას.
ისრაელი და მისი მოკავშირე აღმოსავლეთის ქვეყნები შიშობენ, რომ იმ ბალისტიკური ტექნიკით რომელიც განთავსებულია ხომალდებზე, ირანი შეეცდება მის მტრებზე ატომური შეტევის განხორციელებას. ამის მიზეზი გახდა ის სატელიტი რომელიც ახლახანს გაუშვა ორბიტაზე ირანის მთავრობამ.
მთავრობა აცხადებს, რომ სატელიტი გამოყენებული იქნება მხოლოდ-და-მხოლოდ სატელევიზიო გაშუქებისთვის და ამინდის პროგნოზირებისთვის.

მსოფლიოში ყველაზე საშიში ამერიკული "გორკები" მდებარეობს იაპონიაში, იგი ოფიციალურად სულ რაღაც ერთ კვირაში გაიხსება. ატრაქციონის მაქსიმალური სიმაღლე არის 41 მეტრი, ხოლო სიგრძე 1 კილომეტრი!
მისი აშენება 23 მილიონი დოლარი დაჯდა და დარწმუნებული ვარ დამფინანსებლებს ეს ფული ამ პროექტში ტყუილად არ ჩაუდიათ.

ჩინეთის ერთ-ერთი პროვინციის ზოოპარკში დაიბადა ჰიბრიდული ზებრა, რომელიც არის ნახევრად ვირი ხოლო ნახევრად ზებრა. მისი მამა იყო ვირი ხოლო დედა ზებრა, სწორედ ეს იყო მიზეზი იმის თუ რატომ არის იგი ასეთი.
მშობიარობისას ზებრას დაჭირდა ადგილობრივი ვეტერინარების დახმარება, ხოლო ახლა იგი ჯანმრთელად გრძნობს თავს და მის შვილთან ერთად მნახველების ყურადღების ცენტრშია.