ერთი სიყვარულის პრემიერა

ერთი სიყვარულის პრემიერა

(erti siyvarulis premiera)


დასრულდა ცრემლებით ბანალურად
ერთი სიყვარულის პრემიერა,
პირქუში სიზმარივით გამიმეტე
ასე თავნება და ნებიერა

არადა, ღმერთმანი, თავი მომწონს,
მართლა კარგი ვარ და სასურველი,
მიკვირს _ადექი და შემელიე,
მიკვირს _ უჩემობას გაუძელი...

ვაი _ შენ თორე მე რა მიჭირს _
მე ჩემს ტყე-უღრანებს გადავლახავ...

შენებრ გონიერი იმდე-ნიააა!..
ჩემებრ თავქარიანს სადა ნახავ?


სთქვი რაზე ფიქრობ

სთქვი რაზე ფიქრობ

(stqvi raze fiqrob)


სთქვი რაზე ფიქრობ,
ჯერ არდეა შენთვის ნაღველი,
შენ ჯერ არც უნდა გაგეგონოს სევდის სახელი.
შენ რაზედ ფიქრობ, რომ შემეძლოს იმის წაკითხვა
მე გავიგებდი რაც ჩვენს შორის დღემდე არ ითქვა.

მე რომ მანდობდე - რასაც მხოლოდ სიჩუმეს ანდობ,
მე რომ მეტყოდე - რასაც მხოლოდ ფიქრებთან ამბობ,
მოვიტაცებდი შენი გულის პატარა ნაღველს!
და ჩემს დიდ სევდას დავარქმევდი შენს ლამაზ სახელს!


ისევ გაწვიმდა...

ისევ გაწვიმდა...

(isve gawvimda ... )


ისევ გაწვიმდა...
ისევ აჩურჩულდნენ ტირიფის ტოტები...
მე უშენობით თვალები ხომ არასოდეს დამინამია.
ალბათ გამიგებ,
დავიღალე და მეც უკვე სხვისთვის ვცოცხლდები,
ნუ გამამტყუნებ,
თავად ხვდები – ყველაფერი შენი ბრალია...
თუ მოგენატრო,
ისე, როგორც ჯერ არავინ მოგნატრებია,
ლამაზ სიზმარში
იქნებ შენთან ერთხელ მაინც კიდევ მოვიდე.
თუ მოგელანდო...
ჩათვალე, რომ ყველაფერი დაგსიზმრებია
და ის ბავშვობაც
მხოლოდ ლანდად გაიყოლია აპრილობის თვემ.
ნუ დაღონდები,
მოვა დრო და ვიცი მაინც დაგავიწყდები,
შენი ცრემლებიც
გაზაფხულის წვიმასავით გადაივლიან...
და თუ ნაღვლიან
აპრილობის ღამეს ისევ დაგესიზმრები,
მაშინ მიხვდები,
რომ უჩემოდ არსებობა არ შეგიძლია...


ჩვენ რომ გვგონია ისინი არ ვართ

ჩვენ რომ გვგონია ისინი არ ვართ

(chven rom gvgonia isini ar vart)


ჩვენ რომ გვგონია ისინი არ ვართ,
გვჯერა ყველაფრის,არასწორია!..
ჩვენი ცხოვრება წააგავს თამაშს,
სიკვდილთან ყველა თანასწორია...

არის თეატრი,არის სპექტაკლი,
სხვადასხვა როლი გვერგო სულ ყველას.
ზოგი თამაშობს როგორც სულელი
და ეს პიესაც მალე სრულდება...

ბნელდება სცენა,ფარდა ეშვება,
ასე მთავრდება სიცოცხლის დრამა!!!
მერე დავტოვებთ დარბაზს ნელ-ნელა
და ყველა ერთი გზისაკენ წავალთ!..


ალეწილ მინდვრებს

ალეწილ მინდვრებს

(alewil mindvrebs)


ალეწილ მინდვრებს, ყვავილთა ფერში,
მზე ჩაუკოცნის მომწვანო თვალებს,
ქარი მოსტაცებს ხეს ლამაზ ფოთოლს,
გულში ჩაიკრავს,თავს ანაცვალებს.
გაფრენილ წუთებს მისდევს წამზომი
და ფიქრებს შენზე დარდი აწვალებს.
იქნებ მირჩიო რა ვუყო წამებს,
დროისგან დაფლეთილს,შენგან ნაწამებს.
შენ ხომ ტყვიისფერ ვარდზე გამცვალე
და რა ვუშველო გულის ნაპრალებს,
მთვრალი დღეების ბოდვაც მახარებს,
ცრემლი დაფარავს ჩუმად წამწამებს.
გუშინწინ შენი სახე მესიზმრა,
გუშინ ვთქვი: "ისევ გულით ვატარებ”...
დღეს კიდევ ერთხელ გადაგივიწყებ,
ხვალ კიდევ ერთხელ თავს შემაყვარებ...


სამარადისოდ დავიჯერებ შენს ერთგულებას

სამარადისოდ დავიჯერებ შენს ერთგულებას

(samaradisod davijereb shens ertgulebas)


სამარადისოდ დავიჯერებ შენს ერთგულებას,
მოტყუებულმა ქმრებმაც სწორედ ასე იციან,
მაგ უნდო გულში ტრფიალება კვლავ მეგულება,
თუმცაღა ვიცი, გული სხვისთვის გადაგიცია.

ზოგი თვალები ორგულობის ამბავს ყვებიან,
მოღალატენი ვერასოდეს თავს ვერ იჭერენ,
შენს გამოხედვას სიძულვილი არ შეხებია,
მეც შენს სიყვარულს, ძველებურად, მიტომ ვიჯერებ.

შენი შექმნისას ზეცამ, ალბათ, ასე ინება;
შენს გულის ნადებს სიყვარული ფარავდეს ნიღბად,
ფიქრთა სიშავე მოსპოს თვალთა გამობრწყინებამ,
თეთრად მოჩანდეს გულიც შავი თვალების მიღმა.

აღარაფერი ამ სიცრუეს არ ეშველება,
ევას ვაშლივით მაცდურია შენი მშვენება.


ნიკო გომელაური - Niko Gomelauri

გომელაური ნიკო - Gomelauri Niko


როცა პირველად შენი თვალები,
ჩემს თვალებს შეხვდა, მახსოვს ვილოცე.
როცა პირველად გვერდით დაჯექი,
- სიზმარი ახდა და გავიოცე.

როცა პირველად მზერა მესროლე,
თან გამიღიმე, მაგრად დავიბენ.
ვიფიქრე შენგან არა მინდა რა!
მე თვითონ ჩემს თავს ფეხქვეშ დაგიფენ.

როცა მომმართე ენა დამება,
შენ დემონი ხარ, თუ თვით განგება?
რომ გამიცინე, წამსვე დავთვერი
და არ მახსოვდა სხვა არაფერი.

როცა შემაქე, გულში ვიყვირე
როცა წახვედი ლამის ვიტირე.
ხვალ არ შემხედავ? არ გავიოცებ
მაინც მიყვარხარ, შენზე ვილოცებ


შენსკენ რომ მიხმობ და მეძახი

შენსკენ რომ მიხმობ და მეძახი

(shensken rom mixmob da medzaxi)

შენსკენ რომ მიხმობ და მეძახი
თავნება ქალი რომ მიწოდე
ქედმაღალი ვარ და ჭირვეული
უთუოდ გაგაწვალებ იცოდე

მზის ტყუპის ცალია ჩემი გული
მკლავები ჩამოჰგავს ლიანებს
ჩაგეხვევიან და ისე შეგბოჭავენ
ვეღარსად გაექცევი ხვიარებს

ამაყნი არიან სურვილები
ეშმაკის ცხენები გახედნეს
ვინც მათთან ჯირითი გაბედა
ღრუბლების მხარდამხარ აჭენეს

ლაგამს არ იკარებს ჩემი გრძნობა
ქარივით გიჟია და ონავარი
სული ვერ იგუებს მორჩილებას
ამორძალებთან წილნაყარი

და ახლა თუ გინდა კვლავ მიხმე
და თუნდაც თავნება მიწოდე
ძალიან ამაყი და ურჩი ვარ
უთუოდ გაგაწვალებ იცოდე.


მე მინდა ვიყო მზე

მე მინდა ვიყო მზე

(me minda viyo mze)


მე მინდა ვიყო მზე, რომ ვხედავდე ყველას
მე მინდა სიძულვილს სახელი ერქვას
მაინტერესებს ღმერთი ის ხომ ჩვენ გვხედავს
ჩვენს ცხოვრებაში ჩახედვას ბედავს
თქვენც გიყვარდათ ან გეყვარებათ
მეც შემიყვარდა მერე რა მოხდა?
სიძულვილმა არ მომცა ნბა
მაგრამ ის გრძნობა გუშინწინ მოკვდა.
არის საჭირო იყო ვარსკვლავი
რომ შეგიყვარდეს და არ ინანო
ვინც შეგიყვარა თავი მოჰკვეთეს
ვეღარ გიშველის უკვე დინამო
როცა მოკვდები მაშინ გაიგებ
რას ვლაპარაკობ რა მინდა გითხრა
არ ვიცი მგონი ეს უკვე ითქვა
მაგრამ გამგები უკვე ბევრს მიხვდა
ნიჭი არ არის ლექსების წერა
ლექსების წერა სიყვარულია
თუ არ გიყვარდა არ გეყვარება
მაშინ ცხოვრება ძლიერ რთულია...


სტატუსები – statusebi

სტატუსები - statusebi

ლაპარაკობთ ჩემს ზურგს უკან? ე.ი. მე წინ ვდგავარ.

ჩემს ცხოვრებას აკრიტიკებთ? ე.ი. თქვენს ცხოვრებაზე საინტერესოა.

ცდილობთ მომიძებნოთ ნაკლი? ე.ი. გშურთ ჩემი.

ტალახის ღირსად მთვლით? ე.ი. აქამდე სუფთად მივლია.

ასე გააგრძელეთ, მომიტევებია !!!