ძირულა (მდინარე საქართველოში)

ძირულა (მდინარე საქართველოში)

(Dzirula - mdinare saqartveloshi)


ძირულა — მდინარე დასავლეთ საქართველოში. მდინარე ყვირილის მარცხენა შენაკადი. მდინარე ძირულას ხეობაშია გაშენებული სოფლები ქვედა წევა, ბორითი, შროშა და სხვ.


წაბლარასწყალი (მდინარე საქართველოში)

წაბლარასწყალი (მდინარე საქართველოში)

(wablaraswyali - mdinare saqartveloshi)


წაბლარასწყალი – მდინარე ბაღდათის მუნიციპალიტეტში. სათავე აქვს მესხეთის ქედის ჩრდილოეთ კალთაზე, 2200 მეტრ სიმაღლეზე, ერთვის ხანისწყალს. სიგრძე 29 კილომეტრი, აუზის ფართობი 230 კმ2. წყალდიდობა იცის გაზაფხულზე, წყალმოვარდნები – შემოდგომაზე, წყალმცირობა – ზაფხულსა და ზამთარში. საშუალო წლიური ხარჯი შესართავთან 6,16 მ3/წმ.


წაჩხურა (მდინარე საქართველოში)

წაჩხურა (მდინარე საქართველოში)

(wachxura - mdinare saqartveloshi)

წაჩხურა – მდინარე საქართველოში, სამეგრელოს და ზემო სვანეთის მხარის ხობის მუნიციპალიტეტში, სიგრძე 12 კმ, ერთვის მდინარე ტეხურს მარცხნიდან, სოფელ დიდი ჭყონის მახლობლად. საშუალო წლიური ხარჯი შესართავთან 9.0მ3/წმ.


ერეთო (ჩანჩქერი საქართველოში)

ერეთო (ჩანჩქერი საქართველოში)

(Ereti - chanchqeri saqartveloshi)


ერეთო, ჩანჩქერი მდინარე ერეთოსწყალზე (მთიულეთის არაგვის მარჯვენა შენაკადი), ყელის ვულკანური ზეგნის აღმოსავლეთ კიდეზე, ზღვის დონიდან 2300 მ-ზე. მდინარე ერეთოსწყლის სათავებია მძლავრი წყაროები, შემდეგში მდინარე ტროგულ ხეობაში მიედინება და მეფისკალოს ლავური ნაკადის აღმოსავლედთ კიდეზე ჩანჩქერად ეშვება. ჩანჩქრის სიმაღლე 45 მ, საშუალო წლიური ხარჯი დაახლოებით 1,0 მ3/წმ.


გეგის ჩანჩქერი საქართველოში

გეგის ჩანჩქერი საქართველოში

(gegis chanchqeri saqartveloshi)


გეგის ჩანჩქერი - ჩანჩქერი აფხაზეთში, მდინარე ბზიფის მარჯვენა შენაკად გეგაზე, ზღვის დონიდან დაახლოებით 530 მეტრზე. მდინარე გეგა თავისი დინების ერთ-ერთ მონაკვეთში ხვდება კარსტულ ნაპრალში, მიწისქვეშა დერეფნების გავლის შემდეგ გადმოედინება კლდის შუაგულიდან და ქმნის საოცრად ლამაზ ჩანჩქერს, რომლის წყალიც ძალიან ცივია, ამიტომაც მიმდებარე ტერიტორიაზე, თითქმის ზაფხულის ბოლომდე თოვლი შენარჩუნებულია.


ბურსაჭირი (ჩანჩქერი საქართველოში)

ბურსაჭირი (ჩანჩქერი საქართველოში)

(Bursachiri - chanchqeri saqartveloshi)

ბურსაჭირი -ჩანჩქერი მდინარე ბურსაჭირის (გუდამაყრის არაგვის ერთ-ერთი მდგენელი სათავე) შუა დინებაში. ზღვის დონიდან 2170 მ, სოფ. ბურსაჭირიდან ჩრდილო-აღმოსავლეთით 3 კმ. ფლატეს (საჩქეფეს) წარმოშობს ქვიშაქვების შრეების მძლავრი წყება ზედა ლიასის თიხაფიქლებში. ჩანჩქერის საერთო სიმაღლე 20 მ აღწევს. გადმოედინება ორ საფეხურად. ზედა - პატარა საფეხურის სიმაღლე 3-4 მ. ქვედა - დიდი საფეხურისა - 16-17 მ.


კლიჩი (ჩანჩქერი საქართველოში)

კლიჩი (ჩანჩქერი საქართველოში)

(Klichi - chanchqeri saqartveloshi)


კლიჩი - ჩანჩქერი საქართველოში, ზემო აფხაზეთში. მდებარეობს მდინარე კლიჩის ხეობაში. იგი ყველაზე მაღალი ჩანჩქერია საქართველოში. მისი სიმაღლეა 100 მეტრი.


კოჯორი (ახმეტის მუნიციპალიტეტი)

კოჯორი (ახმეტის მუნიციპალიტეტი)

(Kojori - Axmetis municipaliteti)


კოჯორი - სოფელი ახმეტის მუნიციპალიტეტში ქისტაურის ტერიტორიული ორგანო, მდებარეობს გომბორის ქედის ჩრდილოეთ-აღმოსავლეთ კალთაზე. ზღვის დონიდან 640 მეტრი, ახმეტიდან 7 კილომეტრი. 2002 წლის აღწერის მონაცემებით სოფელში ცხოვრობს 38 ადამიანი.


კოჯორი (თბილისი)

კოჯორი (თბილისი) - Kojori (Tbilisi)

კოჯორი — დაბა თბილისის დაქვემდებარებაში. მდებარეობს თრიალეთის ქედის განშტოებაზე 1300-1400 მ-ის სიმაღლეზე თბილისიდან 18 კილომეტრზე.
დაბის სახელწოდებას სვანური წარმომავლობა აქვს: „კოჯო“ ნიშნავს ქვას, „კოჯორი“ — ქვიანს. კოჯორი სამთო-კლიმატური კურორტია. ზაფხული აქ ზომიერი იცის (ივლისის საშუალო ტემპერატურა 17 გრადუსი), ზამთარი — რბილი (იანვრის საშუალო ტემპერატურა — 3 გრადუსი), ნალექების საშუალო რაოდენობა 800 მმ წელიწადში. დაბის სტატუსი მინიჭა 1968 წელს. მოსახლეობა 1,9 ათასი (2002). კოჯორში არის განათლების, კულტურისა და ჯანდაცვის (ფსიქონევროლოგიური დისპანსერი, ტუბსანატორიუმი) ობიექტები. დაბის სამხრეთით დგას კოჯრის ციხესიმაგრე (აგარანი, აზეულის ციხე). მისი უძველესი ფენა არა უგვიანეს XI საუკუნის II ნახევრით თარიღდება.




ჟინვალი

ჟინვალი - Jinvali

ჟინვალი, ჟინვანი, დაბა (1976 წლიდან) დუშეთის მუნიციპალიტეტში, მდინარე არაგვის მარჯვენა ნაპირას, საქართველოს სამხედრო გზაზე. სადაბო საკრებულოს ცენტრი (შედის ჟინვალი, სოფლები:არანისი, ბზიკურთკარი, ბოდავი, გუდრუხი, ეთვალისი, ზემო ხორხი, თვალივი, ლაუშა, მენესო, ნეძიხი, სონდისველა, სწროფავი, უბანი, ფუძნარი, ქვემო ხორხი, ჩინთი, ხარტიშო, ხირაუშა). ზღვის დონიდან 760 მ, დუშეთიდან 15 კმ. მოსახლეობა 1.9 ათასი (2002).


კულაში

კულაში - Kulashi

კულაში - დაბა სამტრედიის მუნიციპალიტეტში. მდებარეობს კოლხეთის დაბლობზე ქალაქ სამტრედიიდან 5 კმ-ის დაშორებით. დაბის სტატუსი მიენიჭა 1961 წელს. მოსახლეობა 1962 კაცი (2002). წყაროებში პირველად მოხსენიებულია XVI საუკუნეში. აქ იყო ფეოდალური საგვარეულოს მიქელაძეთა ციხე-დარბაზი. არის XVIII ს-ის სინაგოგა, 2005 წლიდან მოქმედებს ქართველთა და ებრაელთა ურთიერთობის მუზუემი [2]


ჩოხატაური

ჩოხატაური - Choxatauri

ჩოხატაური — დაბა გურიის მხარეში, ჩოხატაურის მუნიციპალიტეტის ადმინისტრაციული ცენტრი.

მდებარეობს გურიის ქედის სამხრეთ კალთის ძირას, მდინარე სუფსის მარჯვნივ, ზღვის დონიდან 150 მ. რკინიგზის სადგურ საჯავახოდან 20 კმ-ის მანძილზე. დაბაში გადის შიდასახელმწიფოებრივი მნიშვნელობის გზა საჯავახო-ქობულეთი.

სახელწოდება „ჩოხატაურის“ ადრინდელი ფორმაა „ჩახატაური“, რომელიც ნაწარმოებია საგვარეულო სახელიდან — ჩახატარაშვილი, ჩხატარაშვილი. დაბის სტატუსი მიენიჭა 1947 წელს. მოსახლეობა 2.2 ათასი (2006). დაბაში არის ადმინისტრაციული, და ჯანდაცვის დაწესებულებები, ერთი საჯარო სკოლა, მცირე საწარმოები, საფეხბურთო კლუბი "ბახმარო", რომელიც საქართველოს ჩემპიონატის რეგიონულ ლიგაში ასპარეზობს. დაბაში არის ორი აკადემიკოს ნიკოლოზ ბერძენიშვილის სახელობის მხარეთმცოდნეობის მუზეუმი. ეს უკანასკნელი 1958 წელს გაიხსნა და პირველი ექსპოზიცია 1961 წელს მოეწყო. (მუზუმის საკონტაქტო ნომერი +995 95-11-78-70)