ცამდე მართალი არც მე ვარ შენთან

ცამდე მართალი არც მე ვარ შენთან

(camde martali arc me var shentan)

ცამდე მართალი არც მე ვარ შენთან,
იქნებ ეს გრძნობაც ბავშვის ჟინია,
მაინც არ მინდა, გხედავდე შემკრთალს,
მაინც ნურაფრის ნუ გეშინია.

შენს ძველ შეცდომებს არაფერს ვერჩი,
მზერას მიგრილებს წლების მარაო
კველაზე წმინდა რაც არის ჩემში
რატომ გავხადო სამასხარაო?!

თუ მომსვლელი ხარ–მოდი და დარჩი
და წყენის კვალი კოცნით წაშალე,
როცა უშენოდ დავდივარ ხალხში
ასე მგონია–ვარ დამნაშავე."


ჩვენ გაგვიმარჯოს !!!

ჩვენ გაგვიმარჯოს !!!

(chven gagvimarjos)


ერთ ბრძენს უთქვამს "სიყვარულში ერთმანეთს იცნობენ, იმიტომ რომ ერთმანეთი უყვართ, ხოლო მეგობრობაში იმიტომ უყვართ ერთმანეთი, რომ ერთმანეთს იცნობენ. მაშ გაუმარჯოს იმათ ვინც ერთმანეთს იცნობს, ჩვენ გაგვიმარჯოს!


ჩემი რჩეული

ჩემი რჩეული

(chemi rcheuli)


დაღლილი სულის ჩუმი ვედრება
მუდამ სიყვარულს რომ გევედრება
არაფრით არის გამორჩეული,
მხოლოდ შენა ხარ ჩემი რჩეული.


უსიყვარულოდ

უსიყვარულოდ (usiyvarulod)

უსიყვარულოდ არც ყვავილია,
არც ნამი დილის,
უსიყვარულოდ ტირიფია და
ისიც ტირის.
უსიყვარულოდ სიციცხლე არ ღირს,
ასე ეტყვიან საბრალო ტირიფს
და ისიც მუდამ წყალში ჩამდგარი
თმაგაწეწილი ქალივით ტირის


მე შენში მიყვარს შენი სამყარო

მე შენში მიყვარს შენი სამყარო

(me shenshi miyvars sheni samyaro)


მე შენში მიყვარს შენი სამყარო,
დრო შენზე ფიქრში მინდა ვატარო,
მე შენში მიყვარს შენი ღიმილი,
გული სავსეა დიდი ტკივილით.


ადამიანობას გაუამრჯოს

ადამიანობას გაუამრჯოს

(adamianobas gaumarjos)


ძველთაგან სამი რაღაც აქვს საქართველოს და ქართველებს, პირველი ეს არის ჯვარი, მეორე ეს არის ხმალი და მესამე ეს არის ადამიანობა!! ჯვარი ეკლესიამ ჩაიბარა, ხმალი-ისტორიამ, ადამიანობა კი ვისურვებ, რომ ყველა ქართველმა ჩაიბაროს!! მოდით ამ ჭიქით ადამიანობას გაუმარჯოს!!


წერეთელი აკაკი - Tsereteli Akaki

მუხამბაზი

(muxambazi)



რომ იცოდე ჩემი გულის დარდები,

გეფიცები, ტურფავ, შეგიყვარდები!


ცაზედ მზეა, ქვეყანაზედ შენა ხარ!

შეცდომით ძირს ჩამოსული ზენა ხარ!

შაქრის გულო, ბულბულისა ენა ხარ!

სიხარულო, ჩემის ცრემლის დენა ხარ!

ეკლით ნუ მჩხვლეტ... დამიბრუნე ვარდები!

რომ იცოდე ჩემი გულის დარდები!

გეფიცები, ისევ შეგიყვარდები!


1876


წერეთელი აკაკი - Tsereteli Akaki

მომაკვდავის ფიქრები

(momakvdavis fiqrebi)



თუ ჩემს სამშობლოს გამოაღვიძებს

ჩემი სიკვდილი, აჰა, მეც მზად ვარ!..

მოდი, ჯალათო, შენი მახვილი

შეუბრალებლად ზედ გულზე დამჰკარ!


ყოველი წვეთი ჩემი სისხლისა

თუკი გამოზდის მამულიშვილსა,

ცოდვა არ არის, რომ მოვერიდო

მაშინ მე ტანჯვას და თვით სიკვდილსა?


წერეთელი აკაკი - Tsereteli Akaki

მუშის ნატვრა

(mushis natvra)


ვისაც რა უნდა უყვარდეს,

სულ სხვაა ჩემი ტრფიალი:

მიყვარს პირწმინდა ნამგალი,

მისი ყანაში ტრიალი!..


თავი მოუკვდეს ზოგიერთს,

რომ იტაცებენ სხვისასა…

საწყალ კაცს ჯიბეს აჭრიან,

ურცხვად ივსებენ ქისასა.


წერეთელი აკაკი - Tsereteli Akaki

მუშური

(mushuri)


ყანაო, მუშის სამოთხევ,

გლეხის დიდებავ, ყანაო!

ცისკრის სხივებმა შეგმოსეს

და ნამმა გადაგბანაო;


წერეთელი აკაკი - Tsereteli Akaki

მინდა რამ ვთქვა

(minda ram vtqva)



მინდა რამ ვთქვა, მაგრამ რა ვთქვა,

უსამართლოდ ალაგმულმა?

ჩემი გრძნობა უნდა უხმოდ

შიგ ჩაიკლას წყლულმა გულმა!


წერეთელი აკაკი - Tsereteli Akaki

რუსთველის სურათზე

(rustvelis suratze)



სულმნათო! მადლი შენს გამჩენს!

დიდება ერსა შენს მშობელს!

და ძეგლად სამარადისოდ

ნეტარხსენება ამ სოფელს!..


შენ ნიშნად უკვდავებისა

ერს მოვლენიხარ განგებით,

ვით ცისარტყელა წარღვნისა -

უცნაურისა ჰანგებით.


სულმნათო! ჩვენცა გვასწავე

ეს საიდუმლო ჟღერისა,

რომ აგვისრულდეს წადილი,

მგოსანი ვიქმნე ერისა;


რომ ჩემის მღერით აგზნილი

რაყიფი ტარიელობდეს:

ქაჯთა ებრძოდეს ლომ-კაცი,

ნესტანისათვის ხელობდეს!..


მაშინ, ვით ჩვენსა მნათობელს,

სახელი აღგემატება,

და შენი სახე ივერთა

გულს ძეგლად დაეხატება!..


1882 წ.