ფეხბურთი - Football

ძნელია ისეთივე პოპულარული თამაშის მოძებნა, როგორიცაა ფეხბურთი. ტყუილად არ უწოდებენ მას ”მილიონების სპორტს”. თანამედროვე ფეხბურთის სამშობლოდ ინგლისი მიიჩნევა.

თუ უძველეს წარსულსაც გადავხედავთ, სათავეებს, უფრო შორსაც აღმოვაჩენთ. ეგვიპტელი ფარაონების სამარხებში, რომლებიც მეორე-მესამე ათასწლეულებით თარიღდება, ბურთებია ნაპოვნი. უძველეს ჩინეთში, ამავე პერიოდში ფეხბურთის მსგავს სამ თამაშს თამაშობდნენ, ესენი იყო: ძუ-ნიუ, ჩჟუ-ჩუ და ცუ-ძუ. ძველ საბერძნეთში მას – ეპისკიროსი, რომში – გარპას-ტუპი, ხოლო იაპონიაში – კემარი ერქვა და ეს არ არის სრული ჩამონათვალი იმ ქვეყნებისა თუ ქალაქების, სადაც ფეხბურთს თამაშობდნენ.


გოლფი - Golf

სპორტის ინდივიდუალური სახეობა. თამაში პატარა ბურთით და კავჩოგნებით (ყვანჭებით). შოტლანდიური ლეგენდის მიხედვით, წმინდა ანდრია პირველწოდებულმა, ჯერ კიდევ მაშინ, როცა უბრალო მწყემსი იყო, კეტი შემთხვევით ისე მოსცხო ქვას, რომ მან ჰაერში რკალი შემოხაზა და კურდღლის სოროში ჩავარდა. წმინდა ანდრიას კიდევ რამდენჯერმე უცდია ბედი და ისე მოსწონებია ეს თამაშობა, რომ ქრისტეს რჯულზე მოქცეული შოტლანდიელებისთვისაც უსწავლებია. ამ თამაშის გამოგონებას იტალიელებიც იჩემებენ და ამტკიცებენ, რომ გოლფი ცნობილი იყო ჯერ კიდევ ძველ რომში ერთობ პოპულარული “პაგანიკას” სახელით, რაზედაც ქალაქ ვერონასთან აღმოჩენილი ფრესკები მეტყველებს. თავიანთი პირველობის დასადასტურებლად არგუმენტები აქვთ ჰოლანდიელებსაც. კერძოდ, ეს არის შუა საუკუნეების ჰოლანდიური ფერწერა, სადაც ხშირად გვხვდება ე.წ. “კოლფის” მოთამაშეთა გამოსახულებები. თუმცა ფაქტია, რომ ამ თამაშის ოფიციალური წესები მხოლოდ 1754 წელს შოტლანდიაში დაარსებულ სენტ-ენდრიუს (წმინდა ანდრიას) პირველ გოლფ-კლუბში შეიქმნა.


ვუნდერკინდები - Vunderkindebi

მუსიკოსებს შორის ყველაზე ცნობილი ვუნდერკიდი-ვოლფგან ამადეოს მოცარტი იყო. 3 წლიდან საკუთარი ნაწარმოებებით კონცერტს მართავდა. მუსიკალურ სამყაროში კიდევ რამდენიმე ვუნდერკინდი იყო, მაგალითად, შოპენი, რომელიც 8 წლიდან კონცერტებით გამოდიოდა; 17 წლის ვებერი საორკესტრო ორკესტრს ხელმძღვანელობდა; შტრაუსი და სტრაუსი მუსიკას 6 წლიდან წერდნენ.
ნაკლებად ცნობილია შავკანიანი - ტომ ბლინდი, რომელიც 5 წლის ასაკში, ფორტეპიანოზე ორი ხელით სხვადასხვა მელოდიას ასრულებდა და ამავდროლად მესამეს ღიღინებდა.


შოკოლადი სევდისგან გიხსნით

შოკოლადის ერთ-ერთი ცნობილი თვისება ისაა, რომ ის განწყობას ამაღლებს. ამ ნუგბარში შემავალი მაგნიუმი დეპრესიის კვალს შლის, ასევე აუმჯობესებს მეხსიერებას, სტრესის მიმართ გამძლეობას ამაღლებს, ამაგრებს იმუნიტეტს.

ამიტომ როცა სევდა და ნაღველი მოგეძალებათ, შოკოლადის ტორტის ნაჭერი ან შოკოლადი მიირთვით. ბედნიერი თუ არ გახდებით, განწყობა მაინც გაგიუმჯობესდებათ. კალორიებზე ნუ ინაღვლებთ. ტკბილი თერაპიით მიღებული ზედმეტი წონა სწრაფად გაგიქრებათ.

როგორ უნდა მოიქცნენ შოკოლადის მოყვარულები? უნდა მიირთვან შოკოლადი, ოღონდ მცირე პორციებად. უკეთესია, მისი მიღება ცილოვანი საკვების მიღების შემდეგ. ცილოვანი საკვები ანელებს შოკოლადის კომპონენტების შეწოვას საჭმლის მომნელებელი ტრაქტიდან. რაც უფრო ნელა შეიწოვება შოკოლადი, მით უფრო ნელა ხდება სისხლში გლუკოზის დონის ცვლილებები. ცილა ასევე ანელებს ტვინის რეაქციას, რომელიც კიდევ მოითხოვს მსოფლიოში ყველაზე ტკბილი ნარკოტიკის, შოკოლადის, დამატებით ულუფას.


შოკოლადი სევდისგან გიხსნით - shokoladi sevdisgan gixsnit


ვერსაჩე - Versace

Versace – მისი ლოგო დაკავშირებულია ძველბერძნულ მითოლოგიასთან.მასზე გამოსახული იყო მითოლოგიური პერსონაჟი მედუზა,რომელიც თავისი მზერით ქვად აქცევდა ადამიანებს.თვითონ დიზაინერს ჯანი ვერსაჩეს (Gianni Versace) იზიდავდა კლასიკური თემატიკა,ისტორია და ძველი კულტურა.მისი ბრენდის ლოგოც შეიქმნა მის სამოდელო სახლში 1978 წელს.



შანელი - Chanel

Chanel – პირველად ეს ლოგო მსოფლიოსათვის ცნობილი გახდა 1925 წელს.ხოლო სურათი გამოსახული იყო მსოფლიოში ერთ-ერთ ყველაზე ცნობილ სუნამოს ბოთლზე – Chanel #5.არსებობს ორი ვერსია ლოგოს შექმნის თაობაზე.პირველის თანახმად იგი შექმნა მიხაილ ვრუბელმა ჯერ კიდევ 1886 წელს.მეორე ვერსიის თანახმად კი იგი უბრალოდ წარმოადგენს წარმატების სიმბოლოს.



კელვინ კლაინი - Calvin Klein

Calvin Klein – ეს ბრენდი დაარსდა 1942 წლის 19 ნოემბერს.მისი ლოგოც იმ პერიოდში შეიქმნა,მაგრამ გარკვეული მიზეზების გამო იგი ცნობილი გახდა მხოლოდ 30 წლის შემდეგ.სწორედ მაშინ მან გამოუშვა ჯინსის ახალი კოლექცია,რომელზეც დატანილი იყო მისი ლოგო -CK. მოგვიანები იგი ლოგოს იყენებდა არა მხოლოდ გრენდის წარმოსაჩენად,არამედ კოლექციების გამოსაყოფათაც.მუქი პერი ლოგო გამოიყენებოდა ისეთ ტანისამოსზე რომელიც მაღალი საზოგადოებისთვის იყო განკუთვნილი,ნაცრისფერი – შემთხვევით ტანისამოსზე,ხოლო თეთრი – სპორტულზე.



ბურბერრი - Burberry

Burberry Prorsum – ამ ბრენდის ისტორია თარიღდება 1856 წლით, როდესაც ტომას ბარბერმა (Thomas Burberry) გახსნა მაღაზია, სადაც ყიდიდა მზა ტანსაცმელს. დიზაინერმა შექმნა წყალგაუმტარი მასალა -გაბარდინა- რომლითაც კერავდა ჯარისკაცების ქურთუკებს.1901 წლისათვის მას უკვე ყავდა მსხილი შემკვეთები.სწორედ ამ დროიდან გამოჩნდა მისი ლოგოც – მხედარი დროშით ხელში,რომელზეც გამოსახულია «Porsum».დღეს კი ეს ლოგო შეგიძლიათ ნახოთ ნებისმიერ ნაწარმზე.



ლაკოსტე - Lacoste

Lacoste – ამ ბრენდს დიდი ხნის ისტორია და კარგი რეპუტაცია გააჩნია.მის ლოგოს ყველა იცნობს, ვისაც ცოტა შეხება მაინც აქვს მოდასთან.1993 წელს ჟან რენე ლაკოსტამ (Jean Rene Lacoste) დააარსა კომპანია, რომელიც უშვებდა მაისურებს ჩოგბურთისთვის.თვითონ იგი იყო ცნობილი სპორტსმენი და სპორტულ წრეებში სარგებლობდა ზედმეტსახელით “ალიგატორი”.ერთხელ მისმა მეგობარმა ჟანა რენემ მას ხუმრობით დაუხატა პატარა ნიანგი,რომელიც შემდეგში გახდა მისი ლოგო და დღეს მთელს მსოფლიოში არის ცნობილი.



გუჩი - Gucci

გუჩი 1921 წელს გუჩიო გუჩის მიერ იქნა შექმნილი. მას 6 შვილი ჰყავდა და აქედან ერთ-ერთმა მოიფიქრა ცნობილი ბრენდის ლოგო 1933 წელს, რომელიც გადაჯვარედინებულ G-ებს გვაჩვენებს. გასაკვირია, თუმცა ორი G არამხოლოდ გუჩიო გუჩის ინიციალებს გამოხატავს, არამედ იგი ადრე ცხენის აქსესუარებსაც აწარმოებდა.


პუმა - Puma

ადოლფ დესლერის, ძმამ რუდოლფ დესლერმა, შემდგომში ახალი ბრენდი - რუდა შექმნა (ასე ეწოდებოდა მას თავდაპირველად) ამ ლოგოშიც, რაღათქმაუნდა მფლობელის ინიციალები იყო შესული, თუმცა მისი დიზაინი ძალზედ განსხვავდებოდა იმ დიზაინისგან რომლითაც დღეს ჩვენ პუმას ვიცნობთ, როგორც ამბობენ ის რუდოლფმა თავად შექმნა. მხოლოდ 1960 წელს ფირმის რებრენდინგი მოხდა და ახალი ლოგო ჩამოყალიბდა.


ადიდასი - Adidas

ადიდასი 1948 წელს ადოლფ დესლერის მიერ იქნა შექმნილი, იმის შემდეგ როდესაც მამამისის ფირმა: Gebrüder Dassler Schuhfabrik დაიშალა.
კომპანიას თავდაპირველად Addas ეწოდა, როგორც მისი მფლობელის ინიციალების გაერთიანება.
რამდენიმე თვის შემდეგ, ადდასს, ადიდასად გადაკეთდა, რადგანაც ადოლფს მისი მეგობრები ხშირად ადის ეძახდნენ.
სამი დახრილი ხაზი, რომელც კომპანიის ლოგოს სიმბოლოა, 1950 წელს ფინური კომპანიის, კარჰუ სპორტის მიერ იქნა შექმნილი.
ამ ლოგოთი, მათ ადიდასის პოპულარობას გაუსვეს ხაზი სამ სხვადასხვა კონტინენტზე.