მანტარო (პერუს მდინარე, სამხრეთ ამერიკა) - Mantaro (perus mdinare, samxret amerika)

მანტარო (ესპ. Mantaro) - მდინარე სამხრეთ ამერიკაში პერუში. ენეს მარცხენა შენაკადი. კეჩუას ენაზე მდინარის სახელწოდება ითარგმნება, როგორც "დიდი მდინარე".
უანაკაველიკას რეგიონში მდინარეზე აშენებულია ჰიდროელექტროსადგური, რომელიც გამოიმუშავებს პერუს ელექტოენერგიის 50 %–ს.
სიგრძე 724 კმ.
აუზის ფართობი 15410 კმ².


მარანიონი (პერუს მდინარე, სამხრეთ ამერიკა) - Ucayali (perus mdinare, samxret amerika)

მარანიონი (ესპ. Ucayali) - მდინარე სამხრეთ ამერიკაში პერუში. უკაიალის მარცხენა შენაკადი, მასთან შეერთებისას წარმოიქმნება მდინარე ამაზონი.
სიგრძე 2000 კმ.
აუზის ფართობი 350 ათ. კმ².
საშუალო წლიური ხარჯი – 15600 მ³/წ.


ნაპო (პერუს მდინარე, სამხრეთ ამერიკა) - Napo (perus mdinare, samxret amerika)

ნაპო (ესპ. Napo) - მდინარე სამხრეთ ამერიკაში, პერუში და ეკვადორში. ამაზონის მარცხენა შენაკადი. სათავეს იღებს ეკვადორის ანდებში ვულკან კოტოპახის მახლობლად.

სიგრძე 667კმ.
ძირითადი შენაკადები:
მარცხენა: აგუარიკო, კოკა
მარჯვენა: კურერი


პუტუმაიო ან იკა (პერუს მდინარე, სამხრეთ ამერიკა) - Putumayo (perus mdinare, samxret amerika)

პუტუმაიო ან იკა (ესპ. Putumayo) - მდინარე სამხრეთ ამერიკაში. ზემო დინებაში ეწოდება იკა. ამაზონის მარცხენა შენაკადი. მიედინება ჩრდილოეთ–დასავლეთიდან სამხრეთ–აღმოსავლეთისაკენ 4 ქვეყნის ტერიტორიაზე: კოლუმბია. ეკვადორი, პერუ, ბრაზილია. წყალდიდობა – ოქტომბრიდან – აპრილ-მაისამდე.
სიგრძე 1800 კმ.
საშუალო წლიური ხარჯი – 7000 მ³/წ.


ჟავარი (პერუს მდინარე, სამხრეთ ამერიკა) - Yavarí (perus mdinare, samxret amerika)

ჟავარი (ესპ. Río Yavarí) - მდინარე სამხრეთ ამერიკაში ამაზონის მარჯვენა შენაკადი. სიგრძე 1184 კილომეტრი. სათავე აქვს პერუს ანდების მთისწინეთში. მიედინება ამაზონის დაბლობზე. საზრდოობს წვიმის წყლით. წყალმოვარდნები იცის დეკემბრიდან აპრილამდე. სანაოსნოა პატარა გემებისათვის 500 კილომეტრი.


ჟურუა (პერუს მდინარე, სამხრეთ ამერიკა) - Jurua (perus mdinare, samxret amerika)

ჟურუა (ესპ. Jurua) - მდინარე სამხრეთ ამერიკაში, პერუსა და ბრაზილიაში, ამაზონის მარჯვენა შენაკადი. სიგრძე 3280 კილომეტრი. სათავე აქვს პერუს ანდების მთისწინეთში. უმთავრესად მიედინება ამაზონის დაბლობზე. საზრდოობს წვიმის წყლით. წყალუხვია იანვრიდან ივნისამდე, წყალმცირეა აგვისტო-ოქტომბერში. წყლის საშუალო ხარჯი დაახლოებით 6000 მ3/წმ. სანაოსნოა ქალაქ კრუზეირო-დუ-სულიდან.


უალიაგა (პერუს მდინარე, სამხრეთ ამერიკა) - Huallaga (perus mdinare, samxret amerika)

უალიაგა (ესპ. Huallaga) - მდინარე სამხრეთ ამერიკაში პერუში. მარანიონის მარჯვენა შენაკადი. სათავეს იღებს ცენტრალურ პერუში, ანდებში. მდინარის სიგრძეა 1300 კმ.


უკაიალი (პერუს მდინარე, სამხრეთ ამერიკა) - Ukaiali (perus mdinare, samxret amerika)

უკაიალი (ესპ. Ucayali ) - მდინარე სამხრეთ ამერიკაში პერუში. ამაზონის შემდგენელი მარანიონთან ერთად. თავის მხრივ წარმოიქმნება მდინარეების ტამბოსა (ზემო დინებაში – აპურიმაკი) და ურუბამბას შეერთების შედეგად.
სიგრძე 1950 კმ.
აუზის ფართობი 375 ათ. კმ².
საშუალო წლიური ხარჯი – 12600 მ³/წ.
მთავარი პორტი – პუკალიპა


ურუბამბა (პერუს მდინარე, სამხრეთ ამერიკა) - Urubamba(perus mdinare, samxret amerika)

ურუბამბა (ესპ. Urubamba) – მდინარე პერუს ცენტრალურ ნაწილში.
სიგრძე 725 კმ. სათავეს იღებს ცენტრალური ანდების წყალგამყოფ მასივზე ვილკანოტას სახელწოდებით. იგი ტიპიური მთის მდინარეა ჭორომებით და ჩანჩქერებით. მიედინება ღრმა კანიონში, ერთვის მდინარე აპურიმაკს (ტამბო). მდინარის ხეობაში მდებარეობს მაჩუ-პიკჩუ.


რიო-დე-ლა-პლატა (ურუგვაის მდინარე, სამხრეთ ამერიკა) - Rio-de-la-plata(urugvais mdinare, samxret amerika)

რიო-დე-ლა-პლატა (ესპ. Río de la Plata - ვერცხლის მდინარე) — მდინარე და ესტუარი სამხრეთ ამერიკის სამხრეთ-აღმოსავლეთ სანაპირო ზოლში. წარმოიქმნება არგენტინა-ურუგვაის საზღვართან, მდინარეების - პარანისა და ურუგვაის შერწყმით. გააჩნია ძაბრის ფორმა. მისი სიგრძე 290 კმ-ია.
რიო-დე-ლა-ლპატის შიდა მხარის სიგანე 2 კმ-ია, ხოლო ოკეანესთან მოსაზღვრე უბნის 220 კმ.[1] მის მცირე მონაკვეთზე არგენტინა-ურუგვაის სახელმწიფო საზღვარი გაედინება. მის სანაპირო ზოლზე მდებარეობს ამ ორი ქვეყნის დედაქალაქები და უმთავრესი საზღვაო პორტები, ბუენოს-აირესი სამხრეთ-დასავლეთით და მონტევიდეო ჩრდილო-აღმოსავლეთით. ესტუარის სანაპირო ზოლი არგენტინისა და ურუგვაის ყველაზე მჭიდროდ დასახლებულ არეალს წარმოადგენს.
გეოგრაფთა ნაწილი რიო-დე-ლა-პლატას ატლანტის ოკეანის განაპირა ზღვად ან ყურედ მიიჩნევს, მეორე ნაწილს კი ის მდინარედ მიაჩნია. თუ ამ უკანასკნელებს დავეთანხმებით, მაშინ რიო-დე-ლა-პლატა მსოფლიოში ყველაზე განიერი მდინარე გამოდის, მაქსიმალური სიგანით 220 კმ და საერთო ფართობით 35,000 კმ².
მიუხედავად ამისა, რიო-დე-ლა-პლატა ყველანაირად ამჟღავნებს ესტუარის თვისებებს, აქ მტკნარი წყალი და ზღვის წყალი ერთამნეთშია შერეული. მტკნარი წყალი ესტუარში მიდნარე ურუგვაისა და პარანას ჩამოაქვთ, მათ შორის პარანა მსოფლიოს ერთ-ერთ უგრძეს მდინარეა. ბოლო დროს, ესტუარში შეინიშნება მოქცევა, რომელიც პარანისა და ურუგვაის სიღრმეშიც კი აღწევს.