მეტა (კოლუმბიის მდინარე, სამხრეთ ამერიკა) - Meta (kolumbiis mdinare, samxret amerika)

მეტა - (ლათ. Meta), მდინარე კოლუმბიაში (ქვემო დინებაზე გადის კოლუმბია - ვენესუელის საზღვარზე). ორინოკოს მარცხენა შენაკადი. სიგრძე 1000 კმ-ზე მეტი. სათავე აქვს აღმოსავლეთ კორდილიერების აღმოსავლეთ კალთებზე. მიედინება ლიანოს-ორინოკოს ვაკეზე. იცის ზაფხულის წყალმოვარდნები. სანაოსნოა შესართავიდან სოფელ მარაილამდე და უფრო ზემოთ, სათავეების ვაკე მონაკვეთებზე. მთავარი ნავსადგურებია პუერტო-კარენიო და ოროკუე.


ორინოკო (კოლუმბიის მდინარე, სამხრეთ ამერიკა) - Orinoko (kolumbiis mdinare, samxret amerika)

ორინოკო სამხრეთ ამერიკის ერთ-ერთი უგრძესი მდინარეა (სიგრძე 2,140 კმ). მისი აუზის ფართობი 880,000 კმ²-ს შეადგენს, საიდანაც 76.3% ვენესუელის ტერიტორიაზე მდებარეობს, დანარჩენი კი კოლუმბიის. ორინოკო და მისი შენაკადები, ვენესუელის აღმოსავლეთ და შიდა რეგიონების მთავარ სატრანსპორტო სისტემას წარმოადგენს. მდინარე სათავეს იღებს ვენესუელა-ბრაზილიის საზღვარზე, კერო-დელგადო-ჩალბაუდის მთიდან, ზღვის დონიდან 1,047 მეტრზე. ეს სათავე მხოლოდ 1951 წელს იქნა აღმოჩენილი ვენესუელურ-ფრანგული ჯგუფის მიერ.
ორინოკოს შესართავი ატლანტის ოკეანესთან, აღწერილია ქრისტეფორე კოლუმბის მიერ, მისი მესამე მოგზაურობისას 1498 წელს. 1800 წელს, მდინარის აუზს იკვლევდა ალექსანდრე ჰუმბოლდტი, რომელმაც შემდგომ აქაური ფლორისა და ფაუნის შესახებ სტატიები გამოაქვეყნა, სადაც იუწყებოდა ამ ტერიტორიაზე მდინარის ვარდისფერი დელფინების არსებობას.


ჟაპურა (კოლუმბიის მდინარე, სამხრეთ ამერიკა) - Río Yapurá (kolumbiis mdinare, samxret amerika)

ჟაპურა (ადგ. სახელწოდება კაკეტა Caquetá; ესპ. Río Yapurá) - მდინარე სამხრეთ ამერიკაში, კოლუმბიასა და ბრაზილიაში, ამაზონის მარცხენა შენაკადი. სიგრძე 2280 კილომეტრი. სათავე აქვს კოლუმბიის ცენტრალურ კორდილიერაში. ზემო დინებაში ძალზედ ჭორომიანია, ამაზონის დაბლობზე განიერდება და მდორეა, ქვემოთში იტოტება. საზრდოობს წვიმის წყლით. წყალმოვარდნის დროს (მარტი-ივლისი) კალაპოტიდან გადმოდის და აჩენს ტბებს. წყლის საშუალო ხარჯი დაახლოებით 6000 მ3/წმ. სანაოსნოა ბრაზილიის ფარგლებში


პარაგვაი (პერუს მდინარე, სამხრეთ ამერიკა) - Paragvai (perus mdinare, samxret amerika)

მდინარე პარაგვაი წაერმოადგენს სამხრეთ ამერიკის სამხრეთ-ცენტრალური ნაწილის მთავარ მდინარეს. მისი შენაკადები გამოედინებიან ბრაზილიიდან, ბოლივიიდან, პარაგვაიდან და არგენტინიდან. სათავეს იღებს ბრაზილიის შტატ მატო-გროსოში, ხოლო შემდეგ, არგენტინაში ერთვის მდინარე პარანას. მისი სიგრძე სათავიდან პარანასთან შერწყმამდე 2,621 კმ-ია. აუზის ფართობი შეადგენს 365,592 კმ²-ს.


პარანა (პარაგვაის მდინარე, სამხრეთ ამერიკა) - Río Paraná (paragvais mdinare, samxret amerika)

პარანა ( ესპ.Río Paraná, პორტ. Rio Paraná) - მდინარე სამხრეთ ამერიკის კონტინენტის სამხრეთ ნაწილში. მისი სიგრძეა 4.880 კმ და კვეთს ბრაზილიას, პარაგვაის და არგენტინას. მდინარის სიგრძე გაიზრდება 5.880კმ-მდე, თუკი მას ავითვლით ბრაზილიაში მდებარე მდინარე პარანაიბადან, ხოლო კიდევ უფრო გაიზრდება (6.170 კმ) თუკი სიგრძეს ავითვლით მდინარე რიო-დე-ლა-პლატას სათავიდან. პარანა, სამხრეთ ამერიკის მდინარეებს შორის სიგრძით მეორეა ამაზონის შემდეგ. სახელი პარანა წარმოადგენს აბრევიატურას ფრაზისა ara rehe onáva, რომელიც ტუპის ენაზე ნიშნავს "ზღვის მსგავსს". პარანა შთანთქავს მდინარე პარაგვაის, ხოლო უფრო ქვემოწელზე - მდინარე ურუგვაის, რის შემდეგაც უერთდება ატლანტის ოკეანეს.


პილკომაიო (პარაგვაის მდინარე, სამხრეთ ამერიკა) - Río Pilcomayo (paragvais mdinare, samxret amerika)

პილკომაიო (ესპ. Río Pilcomayo) - მდინარე სამხრეთ ამერიკის ცენტრალურ ნაწილში, მდინარე პარაგვაის მარჯვენა, უგრძესი შენაკადი (1,100 მ). აუზის ფართობია 270,000 კმ².
სათავეს იღებს ბოლივიაში, პოტოსის დეპარტამენტში. ბოლივიის დატოვების შემდეგ, მდინარეზე გადის სახელმწიფო საზღვარი პარაგვაისა და არგენტინას შორის. ამ მონაკვეთში, არგენტინის მხარეს მდებარეობს პილკომაიოს ეროვნული პარკი. პილკომაიოზე ასევე გადის ბოლივიისა და არგენტინის სახელმწიფო საზღვრის მცირე მონაკვეთი.
მდინარის აუზში 1.5 მლნ ადამიანი ცხოვრობს, მათ შორის 1 მლნ ბოლივიაში, 300.000 არგენტინაში და 200.000 პარაგვაიში.


ამაზონი (პერუს მდინარე, სამხრეთ ამერიკა) - Amazoni (perus mdinare, samxret amerika)

ამაზონი - მდინარე სამხრეთ ამერიკაში. მდინარე უდიდესია მსოფლიოში აუზითა და წყალუხვობით. წარმოქმნილია მდინარე მარანიონისა და უკაიალის შეერთებით. მდინარის სიგრძე მარანიონის სათავიდან 6400 კილომეტრია, უკაიალის სათავიდან - 7025 კმ. აუზის ფართობი - 7180 ათასი კმ2. უდიდესი შენაკადებია რიუ-ნეგრუ, მადეირა, ტოკანტინსი. მის დელტაში მდებარეობს კუნძული მარაჟო, რომელზედაც თავისუფლად დაეტეოდა ისეთი ქვეყანა როგორიცაა ბელგია. ამაზონის აუზის დიდი ნაწილი მდებარეობს ბრაზილიაში, სამხრეთ-აღმოსავლეთი და აღმოსავლეთი ნაწილი - ბოლივიაში, პერუში, ვენესუელაში, ეკვადორსა და კოლუმბიაში. ამაზონი ეკვატორთან ახლოს ჩაედინება ატლანტის ოკეანეში.
სახელწოდებას უკავშირებენ მდინარის შესართავში მოქცევით გამოწვეული ტალღების სახელს - პოროროკას, რომელსაც ტუპი-გუარანის ინდიელთა დიალექტზე „ამაზუნუ" ეწოდება. ინდიელები ამაზონს უწოდებენ პარანა-ტინგას (თეთრი მდინარე) პარანა-გუასუს (დიდი მდინარე).
მდინარე სათავეს პერუს მაღალმთიან რეგიონში იღებს და ბრაზილიის გავლით მაკაპას სანაპირომდე მიედინება. მდინარესა და მის შესართავებს გარს ერტყმის ტროპიკული ნოტიო ტყეები. ამ ტყეებში ხეები 20-სართულიანი შენობის სიმაღლის იზრდება. ამაზონის ჯუნგლებში მსოფლიოში ყველაზე მეტი სახეობის ცხოველი ბინადრობს,ტყეში დაახლოებით 1500 სახეობის ფრინველი ბუდობს, ამაზონის წყლებში კი 3000 სახეობის თევზი დაცურავს. ხვლიკები და გველები ხმელეთზე დასრიალებენ. ამაზონის ტყეებში 800-ზე მეტი ტიპის ძუძუმწოვარი ცხოველი (მათ შორის მსოფლიოში ყველაზე ბევრი ღამურა) და ურიცხვი მწერიც ბინადრობს.


აპურიმაკი (პერუს მდინარე, სამხრეთ ამერიკა) - Apurimac (perus mdinare, samxret amerika)

აპურიმაკი (ესპ. Apurimac) - მდინარე სამხრეთ ამერიკაში პერუში. ქვემო დინებაში ეწოდება ენე, ტამბო. არის მდინარე უკაიალის მარცხენა მდგენელი. სათავე აქვს ცენტრალურ ანდებში ტიტიკაკის ტბის ჩრდილოეთ–დასავლეთით. აპურიმაკი (ესპ. Río Apurímac) – მდინარეს აპურიმაკი ეწოდება სათავიდან 731 კმ.
ტამბო (ესპ. Tambo) – მდინარეს ტამბო ეწოდება ( 11°09′39″S, 74°14′48″W) ბოლო 159 კმ.
სულ სიგრძე 1071 კმ.
სულ აუზის ფართობი 125 ათ. კმ².
წყლის საშუალო ხარჯი – 2,9 ათ. მ³/წმ.


დესაგუადერო (პერუს მდინარე, სამხრეთ ამერიკა) - Río Desaguadero (perus mdinare, samxret amerika)

დესაგუადერო (ესპ. Río Desaguadero; „უწყლო“) — ერთადერთი მდინარე, რომელიც გამოედინება ტიტიკაკას ტბიდან. მდებარეობს პერუსა და ბოლივიის ტერიტორიაზე. გამოედინება ტბის სამხრეთი ნაწილიდან და ერთვის პოოპოს ტბას. საერთო სიგრძე 436 კმ. საიდანაც 14 კმ. წარმოადგენს პერუ-ბოლივიის საზღვარს.


მადრე-დე-დიოსი (პერუს მდინარე, სამხრეთ ამერიკა) - Río Madre de Dios (perus mdinare, samxret amerika)

მადრე-დე-დიოსი (ესპ. Río Madre de Dios) - მდინარე სამხრეთ ამერიკაში, პერუსა და ბოლივიაში. სიგრძე 640 კმ. ბენის მარცხენა შენაკადი. სათავეს იღებს პერუს ანდებში, კუსკოს ჩრდილო-აღმოსავლეთით.
მდინარის ხეობაში კარგადაა განვითარებული სოფლის მეურნეობა, მთავარი კულტურაა მანგო. მდინარეზე ასევე მდებარეობს რამდენიმე ეროვნული პარკი და დაცული ტერიტორია. ქალაქ პუერტო-მალდონადოს შემდეგ, მადრე-დე-დიოსი სანაოსნოა.