გუაპორე (ბოლივიის მდინარე, სამხრეთ ამერიკა) - Guapore (boliviis mdinare, samxret amerika)

ავტორი: admin ვისგან 22-04-2011, 23:27  |  კატეგორია: მთავარი / გეოგრაფია / ოკეანეები / ზღვები / მდინარეები
გუაპორე - მდინარე სამხრეთ ამერიკაში, ბოლივიისა და ბრაზილიის საზღვარზე. ბოლივიაში მას იტენესს უწოდებენ. მისი სიგრძე 1.530 კმ-ია. სათავეს იღებს ბრაზილიაში, მატუ-გროსუს შტატში. მდინარის აუზის დაახლოებით 186 460 კმ² ბოლივიაში მდებრეობს, ხოლო 80,000 კმ² ბრაზილიაში. მაქსიმალური სიღრმე 19.5 მეტრია. ერთვის მდინარე ალეგრეს.


იაპაკანი (ბოლივიის მდინარე, სამხრეთ ამერიკა) - Yapacaní (boliviis mdinare, samxret amerika)

ავტორი: admin ვისგან 22-04-2011, 23:25  |  კატეგორია: მთავარი / გეოგრაფია / ოკეანეები / ზღვები / მდინარეები
იაპაკანი (ესპ. Río Yapacaní) — მდინარე ბოლივიაში, ამაზონის აუზში. მისი სიგრძე 335 კმ-ია და წარმოადგენს მდინარე რიო-გრანდეს შენაკადს, რომელიც თავის მხრივ მდიმარე მამორე ერთვის.
იაპაკანი სათავეს იღებს ამბოროს ეროვნულ პარკში და გზადაგზა მას უამრავი მდინარე და პატარა ნაკადული ერწყმის, მათ შორის ყველაზე მნიშვნელოვანია პირაი.
მდინარეში დიდი რაოდენობით თევზია, რასაც რეგიონის ეკონომიკაში მნიშვნელოვანი ადგილი უკავია.


ლაუკა (ბოლივიის მდინარე, სამხრეთ ამერიკა) - Lauka (boliviis mdinare, samxret amerika)

ავტორი: admin ვისგან 22-04-2011, 23:24  |  კატეგორია: მთავარი / გეოგრაფია / ოკეანეები / ზღვები / მდინარეები
ლაუკა – მდინარე რომელიც სათავეს იღებს ჩილეს ალტიპლანოში, ტარაპაკას რეგიონში და მიედინება ბოლივიაში, სადაც ჩაედინება კოიპასას ტბაში. მდინარის სიგრძე შეადგენს 225 კმ-ს. მისი ზემო დინება მდებარეობს ლაუკის ეროვნული პარკის ფარგლებში.
1930-იან წლებში, ჩილეს მთავრობამ დაიწყო მდინარე ლაუკის ჰიდრორესურსების გამოყენება და მისი წყლით ასაპის ხეობის მორწყვა, რამაც გამოიწვია ბოლივიის მთავრობის სასტიკი უკმაყოფილება, რომელიც ამტკიცებდა, რომ ჩილეს მთავრობა ხელოვნურად უცვლიდა კალაპოტს საერთაშორისო მდინარეს. ამ ამბით გამოწვეული დიპლომატიური დაძაბულობა ჩილესა და ბოლივიას შორის დაიწყო 1939 წელს და გაგრძელდა 1960 წლამდე.


მამორე (ბოლივიის მდინარე, სამხრეთ ამერიკა) - Mamore (boliviis mdinare, samxret amerika)

ავტორი: admin ვისგან 22-04-2011, 23:19  |  კატეგორია: მთავარი / გეოგრაფია / ოკეანეები / ზღვები / მდინარეები
მამორე - დიდი მდინარე ბოლივიასა და ბრაზილიაში. წარმოიქმნება ორი მდინარის - ჩიმორესა და ჩაპარეს შერწყმის შედგეად, რომლებიც სათავეს იღებენ კოჩაბამბის დეპარტამენტში, ქალაქ კოჩაბამბის სიახლოვეს. უერთდება ამაზონის ერთ-ერთ მსხვილ შენაკადს, მდინარე ბენის. მამორეს მნიშვნელოვანი შენაკადებია ჩაპარე, სეკურე, აპერე, იჩილო, გაპორე.
მდინარის სიგრძე 1.900 კმ-ია, აუზის ფართობი კი 241.660 კმ²


რიო-ბერმეხო (ბოლივიის მდინარე, სამხრეთ ამერიკა) - Rio Bermejo (boliviis mdinare, samxret amerika)

ავტორი: admin ვისგან 22-04-2011, 23:18  |  კატეგორია: მთავარი / გეოგრაფია / ოკეანეები / ზღვები / მდინარეები
რიო-ბერმეხო (ესპ. Rio Bermejo) – მდინარე სამხრეთ ამერიკაში, უმთავრესად არგენტინაში, გარკვეული ნაწილი მოქცეულია ბოლივიის შემადგენლობაში. მდინარე პარაგვაის მარჯვენა შენაკადი, სიგრძე 1450 კმ. აუზის ფართობი 133 ათ კმ². სათავე აქვს ცენტრალური ანდების აღმოსავლეთ კალთაზე. გადაკვეთს გრან-ჩაკოს ვაკეს, შუა წელში მიედინება თავისი ყოფილი შენაკადის ტეუკოს კალაპოტში. ახასიათებს წყლის ხარჯის მკვეთრი რყევა. წყალმოვარდნები იცის ზაფხულობით. წყლის საშუალო ხარჯი მთიდან გამოსვლის ადგილას 340 მ³/წმ. სანაოსნოა პატარა გემებისათვის ქალაქ პრესიდენსია-როკამდე.


ჩაპარე (ბოლივიის მდინარე, სამხრეთ ამერიკა) - Chaparae (boliviis mdinare, samxret amerika)

ავტორი: admin ვისგან 22-04-2011, 23:11  |  კატეგორია: მთავარი / გეოგრაფია / ოკეანეები / ზღვები / მდინარეები
ჩაპარე - მდინარე ბოლივიაში, მამორეს მთავარი შენაკადი. განეკუთვნება ამაზონის აუზს. მისი სიგრძე 279 კმ-ია. სათავეს იღებს კოჩაბამბის დეპარტამენტში, მდინარეების - ესპირიტუ-სანტოსა და სან-მატეოს შერწყმის შედეგად. წარმოადგენს ჩაპარეს პროვინციის მთავარ საწყალოსნო გზას. მის წყლებში აღმოჩენილია თევზი Gephyrocharax chaparae, რომელსაც სახელი ამ მდინარისგან ეწოდა.


ტოკანტინსი (ბრაზილიის მდინარე, სამხრეთ ამერიკა) - Tocantins (braziliis mdinare, samxret amerika)

ავტორი: admin ვისგან 22-04-2011, 23:08  |  კატეგორია: მთავარი / გეოგრაფია / ოკეანეები / ზღვები / მდინარეები
ტოკანტინსი (tocantins) - მდინარე ბრაზილიის აღმოსავლეთ ნაწილში. სიგრძე - 2850 კილომეტრი, აუზის ფართობი 770 ათ. კმ2. წარმოიქმნება მდინარეების მარანიანისა და ალმასის შეერთებით, რომელთაც სათავე აქვს ბრაზილიის ზეგნის ცენტრალურ ნაწილში. მდინარეზე ბევრი ჩანჩქერი და ჭორომია. უერთდება მდ. პარას (მდ. ამაზონის დელტის მარჯვ. ტოტი). დიდი შენაკადია არაგუაია. წყალდიდობა იცის ოქტომბრიდან მაის-აპრილამდე. წყლის საშუალო ხარჯი შესართავთან 16300 მ³/წმ. სანაოსნოა შესართავიდან 350 კმ..


აბუნა (ბრაზილიის მდინარე, სამხრეთ ამერიკა) - Rio Abunã (braziliis mdinare, samxret amerika)

ავტორი: admin ვისგან 22-04-2011, 23:07  |  კატეგორია: მთავარი / გეოგრაფია / ოკეანეები / ზღვები / მდინარეები
აბუნა (ესპ. Río Abuná, პორტ. Rio Abunã) - მდინარე სამხრეთ ამერიკაში. წარმოადგენს ამაზონის აუზის ნაწილს და გაედინება ჩრდილოეთ ბოლივიისა და ჩრდილო-დასავლეთ ბრაზილიის ტერიტორიაზე.
მდინარე სათავეს იღებს პერუს ანდებში და მისი სიგრძე 375 კმ-ია. დაახლოებით 320 კმ-ის სიგრძეზე, ქვემო დინებაზე, სანაოსნოა. ქალაქ მანოასთან, ის ერთვის ამაზონის შენაკადს - მდინარე მადეირას. შესართავთან, ბრაზილიის მხარეს მდებარეობს ქალაქი აბუნა.


მადეირა (ბრაზილიის მდინარე, სამხრეთ ამერიკა) - Madeira (braziliis mdinare, samxret amerika)

ავტორი: admin ვისგან 22-04-2011, 23:06  |  კატეგორია: მთავარი / გეოგრაფია / ოკეანეები / ზღვები / მდინარეები
მადეირა - მდინარე სამხრეთ ამერიკაში, ამაზონის უმსხვილესი შენაკადი. წარმოიქმნება ბოლივია-ბრაზილიის საზღვარზე მდინარეების - მამორესა და ბენის შერწყმის შედეგად. მასზე გადის ამ ორი ქვეყნის საზღვრის 100 კილომეტრიანი მონაკვეთი. შემდეგ სვლას აგრძელებს ბრაზილიის შტატების, რონდონიისა და ამაზონასის ტერიტორიებზე, რის შემდეგაც უერთდება ამაზონს. მისი სიგრძე 3 230 კმ-ია, ხოლო აუზის ფართობი 1.158.000 კმ².
მადეირას წყლის დონეს სეზონურობის მიხედვით 12 მეტრით იცვლება. მაქსიმალურ დონეს ოქტომბერ-მაისში აღწევს. ქალაქ პორტუ-ველიუს შემდეგ ის სანაოსნოა. მდინარეში ბინადრობენ ამაზონის დელფინები.
2007 წელს, ბრაზილიის მთავრობამ განაცხადა, რომ მადეირაზე ის ორი ჰიდროელექტროსადგურის აშენებას აპირებს.


ატრატო (კოლუმბიის მდინარე, სამხრეთ ამერიკა) - Atrato (kolumbiis mdinare, samxret amerika)

ავტორი: admin ვისგან 22-04-2011, 23:02  |  კატეგორია: მთავარი / გეოგრაფია / ოკეანეები / ზღვები / მდინარეები
ატრატო - მდინარე სამხრეთ ამერიკის ჩრდილოეთ-დასავლეთ ნაწილში, კოლუმბიაში. სიგრძე 644 კმ. სათავე აქვს დასავლეთ კორდილიერაში. მიედინება სამხრეთიდან ჩრდილოეთისაკენ ღრმა და განიერ (80 კმ-მდე) ხეობაში. უერთდება კარიბის ზღვას (ურაბის ყურეს) და ქმნის დელტას. საზრდოობს წვიმის წყლით. მთელი წლის განმავლობაში წყალუხვია, მოაქვს ბევრი ნატანი. სანაოსნოა 560 კმ. ქ. კიბდომდე. ატრატოს ხეობაზე გადის ტექტონიკური საზღვარი ჩრდილოეთ და სამხრეთ ამერიკას შორის. არსებობს პროექტი, გამოიყენონ ხეობა ატლანტისა და წყნარ ოკეანეებს შორის არხის გასაყვანად.



წინა შემდეგი 1 2 3 4 5 6 7 8 9 10 11