სლოვაკეთი - Slovaketi

სლოვაკეთი - Slovaketi

სლოვაკეთი - Slovaketi


სლოვენია - Slovenia

სლოვენია - Slovenia

სლოვენია - Slovenia


სომხეთი - Armenia

სომხეთი - Armenia

სომხეთი - Armenia



უკრაინა - Ukraina

უკრაინა - Ukraina


უკრაინა - Ukraina


ლაიბნიცი - Leibniz

დარდი – სულის მოუსვენრობაა, როცა ის ფიქრობს დაკარგულ სიამეზე, რითაც შეიძლებოდა მეტხანს დამტკბარიყო, ან როცა იტანჯება ამჟამად თავს დატეხილ ბოროტებაზე.

ჩვენი ბედნიერება სულაც არაა ყოველი სურვილის დაკმაყოფილება; როცა აღარაფერი დარჩება სანატრელი, ეს მხოლოდ სიჩლუნგეს იწვევს. მარადიული მისწრაფება ახალ–ახალი სიამოვნებისაკენ, ახალი სრულყოფილობისაკენ – აი რა არის ბედნიერება.

შური გახლავთ უკმაყოფილება სულისა, გამომდინარე იქიდან, რომ ჩვენთვის სასურველ სიკეთეს ფლობს სხვა კაცი, ვინც ამის ღირსად არ მიგვაჩნია.

პატიოსანი ადამიანი რომ სხვათა ბოროტებას ხედავს, რაღაც სირცხვილის განცდა ეუფლება.


ქრისტოფ მარტინ ვილანდი -Qristof Martin Vilandi

დიდი ადამიანები სანახევროდ არაფერს აკეთებენ.

ბავშვებს მშობელთა პატრონობა ესაჭიროებათ, ვიდრე ბავშვები არიან, მაგრამ იმავე დროს უნდა ვამზადოთ იმისათვის, რომ სამუდამოდ ბავშვებად არ დარჩნენ.

როდესაც ფსკერზე დავარდება იმედის ღუზა,
წამს შეუძლია მიეშველოს თვით განწირულსა.


გოტფრიდ აუგუსტ ბიურგერი -Gotfrid August Biurgeri

ამური და ჰიმენე მოქიშპენი არიან,
ერთი ხელის მძებნელი, ერთი გულის ქველისა –
მაგრამ გახლავთ სამეფო იშვიათი ძალიან
რომ შიგ ერთად მოთავსდეს გულიცა და ხელიცა.

თუ ჭორიკანამ გალესოს ენა,
არ მოგეშხამოს გული და სმენა,
ქვეყნად არსებობს წესი და რიგი –
უვარგის ხილზე არ ჯდება ბზიკი.

დაეცემა ქვეყანაზე ხარისხი და გემოვნება,
თუ ვისწავლეთ მხოლოდ თავის დაფასების ხელოვნება!

ლაჟვარდ სივრცეში არწივი დაჰქრის,
მუდო სოროდან ქოქოლას აყრის,
„თავს რომ გვაწონებ ღონით და ძალით,
დასვრილი გაქვსო ბუმბული ცალი!“
მაგრამ ვინ ხედავს, რა იცის მუდომ,
რომ არის თვითონ დასვრილი მუდამ!


იოჰან ვოლფგანგ გოეტე - Johann Wolfgang von Goethe (სიბრძნის სიმფონია)


სათნო საქმე ტოვებს კვალსა,
არის მადლი ცის და მიწის,
გაატანე პური წყალსა –
ვის შეხვდება, ვინ რა იცის!

არ არის ღირსი სიცოცხლის და თავისუფლების
ვინც მათთვის სისხლის დასაღვრელად მუდამ მზად არის.

მოკლე საბნის ქვეშ ვინც ფართოდ წვება
იმას ფეხები შიშველი რჩება.

არის იოლი დაფნისაგან გვირგვინის დაწვნა,
ძნელია, მისი ღირსი თავი მონახოს კაცმა.

ცხოვრება არის თამაში მქისე,
ზოგს ასე უჭირს და ზოგსაც ისე
ზოგს ცოტა უნდა და ზოგსაც მეტი
შესჯახებია შეძლებას ბედი.

უბედურებაც მოდის საჩქაროდ,
გვსურს თუ არა გვსურს, უნდა ვატაროთ
ვიდრე მემკვიდრე ბატონ „არმინდას“
არ გაასვენებს მამის კარვიდან.

ჭამოს, თავის თავს თუ ჭამს შური
ეს არის მისი არსებობის პური.

ბრძენი რომ სულელს ეპაექრება
თვითონაც იმის დონეზე დავა
მცოდნე უმეცარს მაშინ ედრება
როცა უმეცარს უმართავს დავას.

ვინც არ ყბედობს, არც მოუწევს სინანული
ერთი კაცი ენის ქვეშ ჰყავს მიმალური.

შეპასუხებით ჩემს დაბნევას ფუჭად ეცდებით
რა წამსაც სიტყვას წამოიწყებთ, თავად შეცდებით.

როცა ოსტატთა ნახელავს ვხედავ
მესმის, რა შექმნა კაცის გენიამ
ჩემს ნაცოდვილარს რომ ვიღებ ხელთა
ვხედავ, რა წლები გამიცდენია.

თუ თავი შფოთავს და გული გწყდება
სხვა რაღა გინდა? დარდი დაფარე
ვისაც არ უყვარს, ვინც არა ცდება
ჯობს გაითხაროს სადმე სამარე.


მორცხვი სულ ითმენს და იჩაგრება,
თავხედს მოუვა მარად ზიანი
ჩანს შენი შუქი მაინც ჩაქრება
თავხედი ხარ თუ თავაზიანი.

მუდამ წყნარი და ხალისიანი
საყვარელი და თავაზიანი
ბუნებრივი და თანაც ჭკვიანი
ასეთი უნდა ადამიანი.

თუ გინდა იყო თავისუფალი, საჭირო საქმე ისწავლე, შვილო,
იყავი დინჯი, იკმარე მცირე და მოიშალე მაღლა ყურება.

ბედი მას აქვს, ვისაც ძალუძს სხვათა ღვაწლის დაფასება,
სხვისი ლხინიც უხარია ისე, როგორც საკუთარი.

რა თქმა უნდა, კაცი ფსკერზე აღმოჩნდება მალე,
თუ პატარა ნავში ზის და დიდ ზვიგენებს დასდევს.

ღმერთი სვეტი სისწორისა თავის გულში ჩადგა
არავინ არ დაღუპულა, ვინც სწორ გზაზე დადგა.

ცოდნა არ კმარა – უნდა აკეთო
ნდობა არ კმარა – უნდა გაბედო.

რაც არ უნდა მოხდეს, იარე წინ.

ვინც ნახა ღელვა ვნებათა მან ჩემი ტანჯვაც იცის .
„მინიონი“

ვინც ეძებს განმარტოებას,
მარტო დარჩება მალე
„ვილჰელმ მაისტერი“
ნიჭი იქმნება მყუდროებაში
და ხასიათი – ქვეყნის ხმაურში.

არ არსებობს წარსული, საიტკენ დაბრუნებაც შეიძლება კაცმა ისურვოს. არის მხოლოდ მარად ახალი, რაც ყალიბდება წარსულის ელემენტებისა და სიახლისაგან. ხოლო ჭეშმარიტი მისწრაფება უნდა იყოს ყოველთვის ნაყოფიერი, უნდა შექმნას საუკეთესო.

ჩვენი ცხოვრება არც ისე სწრაფად მიდის, როგორც ჩვენ ვფიქრობთ და გვსურს. შემფერხებელი დემონები ფეხებში გვებლანდებიან, ყველგან ყოველთვის ხელს გვიშლიან, რომ წინ ვიაროთ. ამიტომ ჩვენ მტლიანობაში წინ მივდივართ, თუმცა ძალზე ნელა.

თუ გსურს მითხრა შენი აზრი, ნათლად მითხარი, პრობლემები ჩემიც მეყოფა.

ყველაზე დიდი სიძნელეები იქაა, სადაც ყველაზე ნაკლებად მოველიით.

ქალი – ყოველი არსის გვირგვინია.

ყოველდღე უნდა მოისმინო თუნდაც ერთი პატარა სიმღერა, ნახო ერთი კარგი სურათი, წაიკითხო, თუნდაც ერთი ბრძნული აზრი.

დიდი პიროვნება რომ ცნო, თვითონაც რაიმეს უნდა წარმოადგენდე.

მითხარი, ვისთან ხარ, – გეტყვი ვინცა ხარ.

ძლიერი გონება, რომელიც პრაქტიკულ მიზნებს ასახავს, საუკეთესო გონებაა მთელს ცისქვეშეთში.

პირველი და უკანასკნელი, რაც გენიოსს მოეთხოვება, ესაა ჭეშმარიტების სიყვარული.

ბატონობას იოლად ისწავლი, მართვას ძნელად.


ბერძნული მითოლოგიიდან ამოკრეფილი ყვავილები - Berdznuli mitologiidan amokrefili yvavilebi

ბერძნული მითოლოგიიდან ამოკრეფილი ყვავილები

სიძულვილი ტკივილსა შობს, სიყვარულიც – მასვე
მე ორივე მინდა.
მაგრამ თუ არის ასარჩევი, ტკბილ სატანჯველს ვარჩევ.

ფუჭია სიტყვა, რასაც საქმე არ ახლავს თანა,
მაგრამ სადაა საქმე, სიტყვა რომ არ სჭირდება?


ფრანჩესკო პეტრარკა - Franchesko Petrarka

წიგნი ცოცხალი მეგობარია.
მოსაუბრე და მრჩეველი შენი.

რას გარგებს ბევრი ცოდნა, თუ ვერ გამოიყენე?

თავისუფლებავ, საჩუქარო უზენაესო
როცა დაგკარგე, ვცანი ბედის უკეთურება
ჩანს, სიყვარულიც არის ერთი უბედურება
რომ წლიდან წლამდე მწუხრით გული უფრო ამევსო.


ჯოვანი ბოკაჩო - Jovani Bokacho

ვფიქრობ, შენი მეფური ნებით განკიცხავ საკიცხვს ჩემს შრომაში და რასაც მოსაწონად ცნობ – მოიწონებ. ის იქნება ჩემთვის დიდი – არა, უდიდესი საჩუქარი, და მის მოლოდინში უკვე გახარებული ვარ.

სიმდიდრე და სიბრძნე მხრებზე წამოსხმული ბეწვეულის სიმძიმეში კი არაა, არამედ იმაში, რაც ადამიანებს ხალას გულებში აქვთ; ყველამ გაიგოს, რაოდენ დიდი სისულელეა ფიქრი, თითქოს ბუნება ისე მტრულადაა ჩვენდამი განწყობილი, რომ ღმერთი ისე უმოწყალოა, რომ თუ სიმდიდრე მთავარ სიკეთედ გამოცხადდებოდა, შიშველს დაგვაგდებდნენ ამ წუთისოფელში. ადამიანის ბუნება მცირედითაც კმაყოფილდება, აუცილებელი რაც არის, ისედაც გვეძლევა, უშრომლად, ასე რომ თუნდაც მოგვენდომებინა, ღარიბებად ვერ ვიქცეოდით. ამას გარდა, ადამიანებს ამშვენებს არა სამოსელი, არამედ სათნოებანი, ქველი საქმეები. მოკლედ რომ მოვჭრა, ადამიანთა ზნე–ჩვეულებების წარჩინებულ მომთვინიერებლებს ვთხოვთ მოასვენონ პოეტები.


დანტე ალიგიერი - Dante Aligieri

ყველაზე უფრო ბრძენი ის არის, ვისაც დროის დაკარგვა ყველზე მეტად აღიზიანებს.

მიჰყვები შენს გზად და ადამიანებმა რაც ენებოთ, ის ილაპარაკონ.

ახლა ქვეყანა თუ ირყევა, მიზეზი ჩვენ ვართ.