სიყვარული

სიყვარული შენი გულის განძია და შენ უნდა მოუარო. სიყვარული მარადიული და უკვდავია. იგი ძველია, ტრადიციული, მაგრამ მაინც ძალიან ახალია, შენეულია.


სანამ ცოცხალი ვარ სანამ კვლავ ვარსებობ.

სანამ ცოცხალი ვარ სანამ კვლავ ვარსებობ,
სანამ გულში ცოცხლობს ამინდი მზიანი,
მანამ მომეფერე, მანამ გამიფრთხილდი,
მერე ყველაფერი იქნება გვიანი.
სანამ ძველებურად ბრუნავს დედამიწა,
სანამ არ გამწირავს იღბალი ტიალი,
გულში ჩამიკარი გული არ მატკინო,
მერე ყველაფერი იქნება გვიანი.
სანამ სიყვარული ისევ შემიძლია,
სანამ კვლავ მახარებს ფოთოლთა შრიალი,
ხელზე წაიკითხე ჩემი ბედის წერა,
მერე ყველაფერი იქნება გვიანი.
მოვა დრო მიხვდები წარსულის შეცდომებს,
აგარ გაგახარებს ფოთოლთა შრიალი.
მე ვეღარ დაგიხსნი ტანჯვა სამსხვერპლოდან
მერე ყველაფერი იქნება გვიანი.
ბედის ირონია მწარედ ჩაგვიცინებს
და აგატირებს შიჩუმის ტრფიალი,
მარტო დარჩენილი სევდით გამიხსენებ
მაგრამ დამიჯერე იქნება გვიანი.
სანამ ცოცხალი ვარ მანამ მომეფერე
მერე ვერ მიშველის ხსენება ფიალით
გული არ მატკინო თორემ ცრემლების ღვრა,
როცა არ ვიქნები იქნება გვიანი.


მე ისე მოგენდე როგორც ქარს ფოთოლი

მე ისე მოგენდე როგორც ქარს ფოთოლი,
როგორც ზღვას პატარა ხომალდი;
როცა შორს მრჩებოდი, ვიყავი ობოლი,
ჩამქრალი პატრუქივით ვბოლავდი...
რა მოწყენილია ეს ქვიშის ხალიჩა,
ჭრიჭინას სიმღერა უნიჭო...
არ გინდა, სიყვარულში თავები დავიხრჩოთ?
ან ლურჯ ზღვას მივენდოთ უნიჩბოდ?
ჩვენი სიყვარული მიაგავს ამ ტალღას,
მიდის კვალს არ ტოვებს ნაპირზე...
მე მინდა, მარტო დავრჩე ამაღამ,
დავჯდე და ღრუბელივით ავტირდე.


შენ შვიდი ფერი ვეღარ დაგხატავს

შენ შვიდი ფერი ვეღარ დაგხატავს,
შენთან ფერები არაფერია
შენს თავს ვერ ვანდობ უნიჭო მხატვარს
შენ დედოფლობის დიდო ფერიავ.

შენთვის არ კმარა პიკასოს ფუნჯი
არც ლეონარდოს ნიჭი უბადლო,
შენი მხატვარი მხოლოდ ერთია
შენ მხოლოდ იმ ერთს უნდა უმადლო.

ვერც ფიროსმანი, ვერც რაფაელი
ვერც კონსტანტინეს ფერთა მორევი
როგორ დაგხატავ აღარ კითხულობ?!
სიყვარულია ნიჭი ყოველი.

სწორედ ამ გრძნობით მე შენ დაგხატავ
სწორედ ამ გრძნობას შენგან მოველი...


მე მოვალ შენთან...გაზაფხულის წვიმას მოვყვები

მე მოვალ შენთან...გაზაფხულის წვიმას მოვყვები,
მარტის სიგიჟეს მონატრებას გავანდობ შენსას,
შევიპარები შენს ოთახში ლურჯი იებით
და მიტოვებულ ჩემს სიყვარულს დავუწყებ ძებნას...

მოვალ დაღლილი...გათანგული ფიქრით და ლოცვით,
დახეთქილ კვირტებს დავკრიფავ და მოვიტან შენთან.
დაფეთდებიან ალიონზე ხეები მარტის
და გულწასული მონატრება მომიყვანს შენთან...


თუკი მოკვდავია ყველაფერი

თუკი მოკვდავია ყველაფერი,
თუკი ვერ ვიცოცხლებთ დიდხანს,
თუკი დასასრული სიკვდილია,
სიკვდილს სილამაზე ერქვას.


ჩათვალოს ყველამ, რომ ბედისგან "საჩუქრად" ვერგე...

არ მინდა, არ მსურს, არ ვიცხოვრებ არავის მსგავსად.
არც მეგობრობას შევთავაზებ შტერსა და რეგვენს,
ერთ ტყუილ სიტყვას არსად ვიტყვი, არაფრის ფასად....
ჩათვალოს ყველამ, რომ ბედისგან "საჩუქრად" ვერგე...


ახლა ქარია...

ხედავ ბეღურებს...
საკენკს ფანტავ თბილი მუჭიდან,
მინდა შენს არსში დავასრულო ყველა მანძილი.
ახლა ქარია...
მე ვჩურჩულებ: - ხელი მომჭიდე...
ვცხოვრობთ და, ასე, ერთმანეთის ამინდს ვამძიმებთ.
ჰაერის ფილტვებს მეტასტაზად მოედო ნისლი,
ნესტის სურნელით...
და ქალაქი წვიმებს მინებდა,
მზე გვაქვს ოთახში,
ოც კვადრატულ სიჩუმეს ვისმენთ,
მზე გვაქვს ოთახში...
და წვეთები ცვივა მინებთან.
დამტვერილია ჩვენი ბოლო ოცნების ფრანი,
როცა სარკმელს ხსნი, თითქმის, მუდამ ზეცაში მიქრის,
მერე იმტვრევა...
შენ ამბობ, რომ ამ დროს სულ ვაფრენ,
რომ პოეტი ვარ და შეშლამდე მიზიდავს ფიქრი.
მე, ხშირად, გარეთ გავდივარ და სივრცით ვარ მთვრალი,
უმისამართო ქუჩის ჩიხში უმიზნოდ ვუსტვენ,
მარტო რჩები და გინდა ეს დრო თითებზე თვალო.
ახლა ქარია...
მაჯისცემა წვიმას აქვს სუსტი.
სულის სიღრმეს კი ემატება უსაზღვრო მასა,
სხეულს სისხლი სდის და ამ
დღეებს თეთრ კანს უსველებს,
ყოველ საღამოს, შენ, ფინჯანით, სიყვარულს მასმევ
და ჩვენს ფანჯრებთან ყვითელ მთვარის დგას კარუსელი.
[/center][center]
[/center][center]


გზა თუ ამებნა შენსკენ სავალი

გზა თუ ამებნა შენსკენ სავალი,
სიზმარში მაინც უთუოდ გნახავ,
და დაგიტოვებ ლოყაზე ამბორს
და ფეხაკრეფით უჩუმრად წავალ.


ნუ შეგაშინებს ჩემი ჭაღარა

ნუ შეგაშინებს ჩემი ჭაღარა,
ეს არც თოვლია და არც სიბერე,
გრძნობის სიჭარბემ ვერცხლით დამფარა და
ახლა სხვა ფერს ვერ შევიფერებ.


ჯადოსნურ ცაზე ვარსკვლავები აინთებიან

ჯადოსნურ ცაზე ვარსკვლავები აინთებიან, იმ ღამის შემდეგ დაიწყება შენზე ფიქრები. მე შენ გიპოვე სიყვარულის დღესასწაულზე და სამუდამოდ, სამუდამოდ ჩემი იქნები...


იცი რას ველი? შენ თავს ...

იცი რას ველი? შენ თავს ...
იცი რას ვნატრობ? შენს ხმას ...
იცი რა რამინდა? შენი სიყვარული ...
იცი ვინ ხარ? ჩემი სიხარული ...